တရုတ်နိုင်ငံ ကိုရိုနာဗိုင်းရပ် ဖြစ်ပွားမှုပုံရိပ်များ

တရုတ်အလယ်ပိုင်း ဝူဟန်မြို့တွင် အစပြုခဲ့သော ကိုရိုနာဗိုင်းရပ်ကြောင့် တရုတ်နိုင်ငံတွင် (တနင်္လာနေ့မနက်အထိ) လူ ၈၀ သေဆုံးခဲ့ပြီးဖြစ်သလို တစ်ကမ္ဘာလုံးအတိုင်းအတာဖြင့် လူ ၂၇၀၀ ကျော် (အများစုမှာ တရုတ်နိုင်ငံ) ကူးစက်ခံခဲ့ရပြီးဖြစ်သည်။

ရောဂါ၏ အန္တရာယ်ပမာဏနှင့် လူတစ်ဦးမှတစ်ဦး မည်မျှလွယ်လွယ်ကူကူ ပြန့်နှံ့ကြောင်းသိရန် စောလွန်းသေးသဖြင့်လည်း ဗိုင်းရပ်အပေါ် ထိတ်လန့်တကြားဖြစ်ပွားလျက်ရှိသည်။

ပြီးခဲ့သည့်နှစ်ကုန်ပိုင်းက တောရိုင်းတိရစ္ဆာန်သားများ တရားမဝင်ရောင်းချနေသည့် ဝူဟန်မြို့ရှိ ပင်လယ်စာဈေးတစ်ဈေးတွင် အစပြုခဲ့သည်ဟု ယူဆရသည့် ထိုဗိုင်းရပ်သည် ပေကျင်းနှင့် ရှန်ဟိုင်း စသည့် မြို့ကြီးများသို့လည်း ပြန့်နှံ့သွားခဲ့သည်။

ပေကျင်းမြို့ရှိ ရှေးဟောင်းနန်းတော်နှင့် မဟာတံတိုင်းကြီးအစိတ်အပိုင်းသို့ ခရီးသွားများကို ပိတ်ပင်ထားပြီးလျှင် တရုတ်နှစ်သစ်ကူးဘုရားကျောင်းပွဲတော် နှစ်ခုအပါအဝင် လူအများစုဝေးကြမည့် အခမ်းအနားနှစ်ခုကိုလည်း ဖျက်သိမ်းလိုက်သည်။

သန်းနှင့်ချီသော တရုတ်လူမျိုးများ ပြည်တွင်းပြည်ပခရီးသွားကြသည့် နှစ်သစ်ကူးအားလပ်ရက်များသည် သောကြာနေ့မှ အစပြုခဲ့သော်လည်း ထိုရောဂါကြောင့် ဆိုးဆိုးရွားရွား ထိခိုက်ခဲ့ရသည်။

ကမ္ဘာ့ကျန်းမာရေးအဖွဲ့ကြီးကမူ ထိုရောဂါသည် ကမ္ဘာ့ကျန်းမာရေး အရေးပေါ်အခြေအနေသို့ မရောက်သေးဟု ပြောသည်။

ဟောင်ကောင်တွင် ထိုရောဂါဖြစ်ပွားကြောင်း အတည်ပြုပြီးသူ ခြောက်ဦး၊ ထိုင်ဝမ်တွင် လေးဦးနှင့် ပြင်သစ်နှင့် အမေရိကန်တို့ကတော့ လူသုံးဦးစီတွင်ဖြစ်ပွားကြောင်း အတည်ပြုခဲ့ပြီးဖြစ်သည်။