အမျိုး၊ ဘာသာ၊ သာသနာ စောင့်ရှောက်သည်ဟု ကြွေးကြော်ထားသော အာဏာသိမ်းစစ်ခေါင်းဆောင်များက ၎င်းတို့ကို အန်တုဆန့်ကျင်လာလျှင် လူပုဂ္ဂိုလ်များကိုသာမက လူများစုကိုးကွယ်ကြသော ရဟန်း၊ သံဃာတော်များကိုပါ အငြိုးတကြီး ဖမ်းဆီးနှိပ်စက် အကျဉ်းချထားပြီး ဖမ်းဆီးခံထားရသည့် ရွှေညဝါဆရာတော်ဆိုလျှင် ကျန်းမာရေးမကောင်းသဖြင့် ရန်ကုန်ဆေးရုံကြီးတွင် ဆေးကုသမှု ခံယူနေရသည်။
မန္တလေး၊ မစိုးရိမ်တိုက်သစ်မှ အရှင်ရာဇိန္ဒသည် မေ ၂၈ က ဆန္ဒပြရန် ပြင်ဆင်နေချိန် ကားဖြင့်တိုက်ဖမ်းခံရပြီး ရိုက်နှက်ခံရသလို စစ်ကြောရေးစခန်းရှိရာ နန်းတွင်းမှာလည်း ဖားခုန် ခုန်ခိုင်းခြင်း၊ နေပူထားသည့် ကတ္တရာလမ်းပေါ် ဒူးထောက်သွားခိုင်းခြင်း စသဖြင့် ညှဉ်းပန်းနှိပ်စက်ခံခဲ့ရသည်ဟု ကာယကံရှင်က Myanmar Now ကို မိန့်သည်။
[youtube https://youtu.be/VGwwaqqBDps]
