စစ်ကောင်စီလက်ထက် စက်မှုဇုန်များတွင် ကိုဗစ်ကာကွယ်ရေး ဆောင်ရွက်ပေးမှုအားနည်း

စစ်အာဏာရှင်လက်ထက် ကိုဗစ်နိုင်တင်းရောဂါ တတိယလှိုင်း ကူးစက်မှုတွေ တစ်ကျော့ပြန်မြင့်တက်လာချိန်တွင် ရန်ကုန်မြို့က စက်မှုဇုန်များရှိ စက်ရုံအလုပ်ရုံများ၌ ကိုဗစ်ကာကွယ်ရေးအစီအစဉ်များ အားနည်းနေကြောင်း အလုပ်သမားအရေးဆောင်ရွက်သည့် အဖွဲ့အစည်းများနှင့် အလုပ်သမားသမဂ္ဂများက ပြောပါသည်။

လှိုင်သာယာစက်မှုဇုန်ရှိ စက်ရုံများတွင် နေမကောင်းဖြစ်နေသည့် အလုပ်သမားဦးရေ အရမ်းများနေပြီး ကိုဗစ်နိုင်တင်းကပ်ရောဂါကူးစက်ခံရမှုမှ ကာကွယ်နိုင်မည့် ကျန်းမာရေးလမ်းညွှန်မှုများကိုလည်း ကိုဗစ်ပထမလှိုင်းနှင့် ဒုတိယလှိုင်းတို့လို စက်ရုံများက အတိအကျလိုက်နာ ဆောင်ရွက်ပေးခြင်းမရှိကြောင်း သိရပါသည်။

သတင်းနှင့်ရိုက်ကူး – Myanmar Now