အရွယ်ကောင်း လူငယ်နှစ်ဦးကို သံကြိုးဖြင့်တုပ်ကာ အရှင်လတ်လတ်မီးပုံရှို့နေသည့် ရုပ်သံဖိုင်မှာ လွန်စွာတုန်လှုပ်ချောက်ချားဖွယ်ကောင်းလှသည်။ ဂန့်ဂေါမြို့နယ် မြောက်ခင်ရန်းရွာ၌ အရှင်လတ်လတ် မီးရှို့သတ်ဖြတ်ခံရသူနှစ်ဦးမှာ ဖိုးတေနှင့် သားထောင် အမည်ရ လူငယ်လေးများဖြစ်သည်။ ဖိုးတေသည် ဆယ်တန်းစာမေးပွဲကို ဂုဏ်ထူးနှစ်ဘာသာဖြင့် အောင်မြင်ထားသူဖြစ်ကာ သားထောင်မှာ တောင်ယာလုပ်ကိုင်နေသူဖြစ်သည်။ အာဏာသိမ်းပြီးစက လမ်းပေါ်ထွက် ငြိမ်းချမ်းစွာ ဆန္ဒပြသူများကို အရက်စက်ဆုံးပစ်ခတ်ဖြိုခွင်းခဲ့သည့် စစ်တပ်သည် လွန်ခဲ့သည့် သုံးနှစ်တာအတွင်း လူမဆန်သော အကြမ်းဖက်မှုပေါင်းများစွာကို ကျူးလွန်ခဲ့၊ ကျူးလွန်နေဆဲ ဖြစ်သည်။ သတင်း၊ တင်ဆက် – ခင်ရီရီဇော်၊ ဟန်သစ်
