တနင်္သာရီဝန်ကြီးချုပ်အပါအဝင် ၄ဦးအား ဖမ်းဆီးထားကြောင်း အဂတိတိုက်ဖျက်ရေးအတည်ပြု

တနင်္သာရီတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာလဲ့လဲ့မော် နှင့် Global Grand Services (GGS) ကုမ္ပဏီမှ ထိပ်တန်းအရာရှိ ၃ ဦးစလုံးအား ထိန်းသိမ်းထားကြောင်း အဂတိတိုက်ဖျက်ရေးကော်မရှင် မှ ညွှန်ကြားရေးမှူး ဦးကျော်စိုးက Myanmar Now ကို အတည်ပြု ပြောကြားခဲ့သည်။

ဝန်ကြီးချုပ်နှင့် Global Grand Services (GGS) ကုမ္ပဏီမှ MD ဦးသိန်းထွေး၊ ဒါရိုက်တာ ဦးအောင်မြတ်နှင့် ဦးသူရအုံတို့အား အဂတိလိုက်စားမှုများတွင် ပါဝင်ပတ်သက်ကြောင်း ကော်မရှင်က စစ်ဆေးတွေ့ရှိခဲ့သည်ဟုလည်း သတင်းထုတ်ပြန်ထားသည်။