၂၀၁၆ ခုနှစ်က ရန်ကုန်တွင် ဖြစ်ပွားခဲ့သော လေးလောင်းပြိုင်လူသတ်မှုနှင့် ပတ်သက်ပြီး ရဲတပ်ဖွဲ.က ထုတ်ပြန်ခဲ့သော ထုတ်ပြန်ချက်တွင် ကွဲလွဲမှုများရှိနေ၍ အမှုကို ပြန်လည်စစ်ဆေးပေးရန် သက်ဆိုင်ရာ မိသားစုဝင်များက ပြောကြားလိုက်သည်။
ဖြစ်စဉ်တွင် သေဆုံးခဲ့သူ ဒုရဲအုပ်ဟောင်း ကိုစိုးနောင်သည် စိတ်မူမမှန်ဖြစ်ကာ ဇနီးဖြစ်သူနှင့် သားသမီးနှစ်ဦးကို သတ်ဖြတ်ခဲ့ပြီး သူ့ကိုယ်သူလည်း အဆုံးစီရင်ခဲ့ကြောင်း ရဲတပ်ဖွဲ.က ထုတ်ပြန်ခဲ့သည်။
ရဲတပ်ဖွဲ.၏ ထုတ်ပြန်ချက်အရ ကိုစိုးနောင်သည် ဘယ်သန်ဖြစ်သူဟုဆိုသော်လည်း သူ၏အစ်ကိုတော်စပ်သူ ဆရာတော် ဦးဝိစာရက ထိုအချက်မှာ မှားယွင်းကြောင်း၊ ကိုစိုးနောင် ညာသန်ဖြစ်သည်ကို ရဲတပ်ဖွဲ့ကို သူကိုယ်တိုင် ထွက်ဆိုထားခဲ့ကြောင်းဆိုသည်။
ထို့ပြင် ရဲတပ်ဖွဲ.ထုတ်ပြန်ချက်တွင် ကိုစိုးနောင်ကို တရားခံအဖြစ် ကောက်ချက်ချထားသော်လည်း ထိုထုတ်ပြန်ချက်တွင်ပင် အမှုတွင် မင်္သကာသူ လူ ၃ ဦးကို ရဲတပ်ဖွဲ.က ဆက်လက်ရှာဖွေ ဖော်ထုတ်မည်ဆိုသောအချက်ပါရှိရာ ထိုအချက်နှစ်ခုမှာ ရှေ.နောက်မညီခြင်းကြောင့် အမှုကို ပြန်လည်စစ်ဆေးပေးရန် မိသားစုဝင်များက အာဏာပိုင်များကို တောင်းဆိုလိုက်သည်။
