ဇွန်လ ၁၃ ရက်နေ့ ည ၈ နာရီ မိနစ် ၂၀ ခန့် ရန်ကုန်မြို့လယ်ကောင်မှာရှိတဲ့ စဉ့်အိုးတန်းဆိပ်ကမ်းအနီးမှာ စက်လှေငယ်တစ်စီး တိမ်းမှောက်ပြီး လူ ၄ ဦး ပျောက်ဆုံးနေတယ်လို့ သိရပါတယ်။
ရန်ကုန်မြစ်ကိုဖြတ်ပြီး တစ်ဖက်ကမ်းမှာရှိတဲ့ ဒလမြို.နယ်ကို သွားမယ့် ခရီးသယ်စုစုပေါင်း ၁၂ ဦး လိုက်ပါလာတဲ့ စက်လှေဟာ စဉ့်အိုးတန်းဆိပ်ကမ်းကနေ စထွက်ပြီး သိပ်မကြာခင်မှာ စက်ပျက်ပြီး ရေစီးအရှိန်နဲ့ ဆိပ်ကမ်းမှာရှိတဲ့ ကုန်တင်သင်္ဘောတွဲတစ်ခုကို တိုက်မိပြီး တိမ်းမှောက်ခဲ့တာဖြစ်ကြောင်း၊ ၈ ဦးကတော့ အသက်ရှင်လွတ်မြောက်ခဲ့ကြောင်း ဒေသခံတွေက ပြောပါတယ်။
ပျောက်ဆုံးနေတဲ့ ၄ ဦးဟာ အသက် ၂၀ အရွယ် အမျိုးသားတစ်ဦးနဲ့ အမျိုးသမီး ၃ ဦး ဖြစ်ကြောင်း၊ အသက်ရှင်လွတ်မြောက်လာသူတွေကို အရေးပေါ်ဆေးကုသဖို့ ရန်ကုန်ဆေးရုံကြီးကို ပို့ထားရပေမယ့် ဘယ်သူတစ်ဦးတစ်ယောက်မှ အသက်စိုးရိမ်စရာမရှိကြောင်း ဒလမြို.နယ် ကမာကသွယ်ရပ်ကွက်ဥက္ကဋ္ဌဖြစ်တဲ့ ဦးထွန်းလွင်က အတည်ပြုပြောဆိုပါတယ်။
ပျောက်ဆုံးနေတဲ့ ၄ ဦးအနက် ၃ ဦးဟာ သူ့ရပ်ကွက်ကဖြစ်တယ်လို့ ဆိုပါတယ်။
အသက်ရှင်လွတ်မြောက်တဲ့အထဲမှာ စက်လှေမောင်းဆရာ ပါဝင်ပြီး သူဟာ တိမ်းရှောင်သွားတာကြောင့်၊ သူ့ကိုဖမ်းဆီးဖို့ ရဲတပ်ဖွဲ့က လိုက်လံရှာဖွေနေတယ်လို့ သိရပါတယ်။
