(မန္တလေး) – ရတနာပုံ ဆိုင်ဘာစီးတီးမှ ကျောင်းသား ယမန်နေ့က သတ်ဖြတ်ခံခဲ့ရပြီးနောက် ရာနှင့်ချီသော ကျောင်းသားများက လူသတ်မှု လက်သည် တရားခံများအား ရှာဖွေပေးရန် အခင်းဖြစ်ပွားရာနေရာတွင် ယနေ့ စုဝေးတောင်းဆိုလိုက်ကြသည်။
အသက် ၁၇ နှစ်အရွယ် နည်းပညာတက္ကသိုလ် ICT မေဂျာ ဒုတိယနှစ်ကျောင်းသား ကိုထက်လင်းသန့်သည် ယမန်နေ့ နေ့လယ် ၃နာရီခွဲခန့်က ပြင်ဦးလွင် – မန္တလေး ကားလမ်းမပေါ်တွင် သူစီးလာသည့် ဆိုင်ကယ်လုယက်ခံခဲ့ရပြီး ရိုက်နှက်သတ်ဖြတ်ခြင်းခံခဲ့ရကြောင်း အဆိုပါတက္ကသိုလ် ကျောင်းသားသမဂ္ဂအဖွဲ့က သတင်းထုတ်ပြန်ထားသည်။
“လုံခြုံရေးတာဝန်ယူပေးနေတဲ့ပြည်ထဲရေးမှာ ပထမဆုံးတာဝန်ရှိပါတယ်။ ဒီဖြစ်ရပ်တွေဟာအခုမှဖြစ်တာ မဟုတ်ပါဘူူး။ အဲဒီတော့ပြည်ထဲရေးအနေနဲ ့ဘယ်လိုမျိုးစီမံခန် ့ခွဲနေလဲဆိုတာ ကျွန်တော်တို ့ မေးခွန်းထုတ်ရပါမယ် ”ဟု နည်းပညာတက္ကသိုလ် ရတနာပုံCyber Cityကျောင်းသားများသမဂ္ဂ မှ ကိုခွန်လှိုင်ပြည့်ထွန်း ကပြောသည်။
လူသတ်မှုမဖြစ်မီ ဆိုင်ကယ်များ မကြာခဏလုယက်ခံခဲ့ရသောကြောင့် အရေးယူရန် အကြိမ်ကြိမ်တောင်းဆိုခဲ့သော်လည်း အာဏာပိုင်များဘက်က လုံလောက်သည့် လုံခြုံရေးပေးရန် ပျက်ကွက်ခဲ့သည်ဟုလည်း သူက စွပ်စွဲခဲ့သည်။
