ကရင်အမျိုးသားအစည်းအရုံး (KNU) နှင့် အစိုးရတို့ကြား အပစ်အခတ်ရပ်စဲပြီးနောက် ငြိမ်းချမ်းရေးအတွက် တည်ဆောက်ခဲ့သည့် မြဝတီမြို့တောင်ဘက် ကိုးမိုင်အကွာရှိ လေးကေ့ကော်မြို့သစ်တွင် ယမန်နေ့ (ဒီဇင်ဘာ ၁၅) ၌ တိုက်ပွဲများ စတင်ခဲ့ပြီး ယနေ့ (ဒီဇင်ဘာ ၁၆) မွန်းလွဲ ၂ နာရီခန့်အထိ တိုက်ပွဲများ ဆက်လက်ဖြစ်ပွားနေသည်။
ယမန်နေ့ ပစ်ခတ်မှုအတွင်း စစ်ကောင်စီတပ်ဘက်မှ ၂၀ နီးပါး သေဆုံးပြီး ၂၃ ဦး ဖမ်းမိကြောင်း လက်နက်ကိုင်တော်လှန်ရေးလုပ်နေသော တကသကျောင်းသားဟောင်းများအင်အားစုမှ ခေါင်းဆောင်တစ်ဦးကလည်း ပြောသည်။
အရာရှိအဆင့်အပါအဝင် စစ်တပ်ဘက်မှ သေဆုံး၊ ဒဏ်ရာရသူများပြားသည်ဟု ဆိုသော အချက်နှင့်ပတ်သက်ပြီး KNU ထံမှ ယနေ့ညနေ ၄ နာရီခွဲအထိ အတည်ပြုတုံ့ပြန်ချက် မရသေးပေ။
(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)
[youtube https://youtu.be/UqoBtryFnjQ]
