မြန်မာနိုင်ငံတောင်ပိုင်းတွင် ကြီးထွားနေသည့် အွန်လိုင်းငွေလိမ်လုပ်ငန်း၊ လောင်းကစားအပါဝင် တရားမဝင်လုပ်ငန်းများကို ပါဝင်လုပ်ကိုင်နေသော ကရင်နယ်ခြားစောင့်တပ် (BGF) ၏ စီးပွားရေးလုပ်ငန်းများကို ခေါင်းဆောင်ဖြစ်သူ စောချစ်သူနှင့် ၎င်းမိသားစုက ချုပ်ကိုင်ထားသည်ဟု သုတေသနအဖွဲ့တစ်ခုဖြစ်သည့် Justice For Myanmar (JFM) က ဖော်ထုတ်ထားသည်။ ကရင်ပြည်နယ်၊ မြဝတီမြို့၊ ရွှေကုက္ကိုမြို့သစ်တစ်ဝိုက်ရှိ အွန်လိုင်းငွေလိမ်လုပ်ငန်းများမှာ ကြီးထွားလျက်ရှိပြီး၊ ထိုနေရာများမှာ စစ်တပ်ကျောထောက်နောက်ခံပေးထားသည့် BGF ထိန်းချုပ်နယ်မြေများလည်း ဖြစ်သည်။ BGFထိန်းချုပ်နယ်မြေအတွင်း ငွေလိမ်လုပ်ငန်းများ လုပ်ကိုင်နေသည့်အခြေနေကို ဗိုလ်မှူးကြီးစောချစ်သူက ဝန်ခံခဲ့သည်။ ဗိုလ်မှူးကြီးစောချစ်သူကို Myanmar Now က ဆက်သွယ်မေးမြန်းထားသည်။ မေးမြန်း၊ တည်းဖြတ် – မောင်ရွှေဝါ၊ ဟန်သစ်
