သတင်း

တိုင်းပြည်ဘဏ္ဍာဖြင့် လည်ပတ်နေသည့် နိုင်ငံပိုင်သတင်းဌာနများ ဆက်လက်ထားရှိမည့်အစီအစဉ် မီဒီယာအဖွဲ့များဝေဖန်

(နေပြည်တော်) – မည်သည့်အစိုးရတက်တက် အစိုးရထိန်းချုပ်ထားသည့် နိုင်ငံပိုင်သတင်းမီဒီယာများ ဆက်လက် ရှိနေမည်ဟု ပြန်ကြားရေးဝန်ကြီး၏ ယနေ့နံနက် ပြောကြားချက်ကို သတင်းမီဒီယာ အဖွဲ့များနှင့် လွတ်လပ်စွာ ရေးသား ပြောဆိုခွင့် အရေးလှုပ်ရှားသည့် အဖွဲ့ ၁၆ ဖွဲ့က ကန့်ကွက်လိုက်သည်။

 အနာဂတ်တွင် တိုင်းပြည်ဘဏ္ဍာဖြင့် လည်ပတ်နေသည့် နိုင်ငံပိုင်သတင်းဌာနများ အနာဂတ်တွင် ဆက်ရှိနေမည့် အရေးကို ဝန်ကြီးဦးဖေမြင့်က နေပြည်တော်တွင် ယနေ့ကျင်းပနေသည့် ၇ ကြိမ်မြောက် မီဒီယာဖွံ႔ဖြိုးတိုးတက်ရေးညီလာခံ တွင် ပြောကြားခဲ့ခြင်းဖြစ်သည်။

အစိုးရပိုင် သတင်းဌာနများသည် လွှတ်တော်နှင့် အစိုးရ၏ လှုပ်ရှားမှုများကို ပြည်သူကို အစီရင်ခံရမည် ဖြစ်သောကြောင့် နိုင်ငံပိုင်သတင်းဌာနများ ဆက်ရှိသင့်သည်ဟု ဝန်ကြီးက ယုံကြည်နေသည်။

“နောင်လာမယ့် အစိုးရများရှိရင်လည်း အဲဒီအစိုးရများသည် ပြည်သူနဲ့ဆက်သွယ်မယ့် မီဒီယာများ သူတို့မှာ အခုပုံစံနဲ့ ဖြစ်စေ နောင်ပြောင်းလဲလာတဲ့ ခေတ်ကာလနဲ့ လျော်ညီတဲ့ အခြားပုံစံများနဲ့ဖြစ်စေ ရှိနေဦးမှာပဲလို့ ပြောချင်ပါတယ်” ဟု ဝန်ကြီးက ယနေ့နံနက်တွင် ပြောကြားခဲ့သည်။

အစိုးရက မီဒီယာတာဝန်ယူကာ သတင်းထုတ်ပြန်မည်ဆိုပါက ဝါဒဖြန့်ချိရေးသာဖြစ်ပြီး၊ နိုင်ငံပိုင်မီဒီယာက အစိုးရ၏ မှားယွင်းသောလုပ်ဆောင်ချက်ကို ထောက်ပြရန် မဖြစ်နိုင်ဟုလည်း ယင်းထုတ်ပြန်ချက်က ထောက်ပြသည်။

Show More

Related Articles

Back to top button