ရခိုင်ပြည်နယ် ဘူးသီးတောင်မြို့နယ် မိချောင်းဈေးကျေးရွာတွင် စက်တင်ဘာ ၂၂ နံနက် ၁ဝ နာရီဝန်းကျင်က ဗုံးပေါက်ကွဲမှုတစ်ခု ဖြစ်ပွားပေါက်ကွဲခဲ့ကြောင်း မြို့နယ်ရဲတပ်ဖွဲ့က ပြောသည်။
မွတ်စလင်အများစု နေထိုင်ရာ ထိုကျေးရွာရှိ ဗလီနှင့် ပေ ၃ဝ ခန့်အကွာတွင် ပေါက်ကွဲခြင်း ဖြစ်ပြီး ထိခိုက် သေဆုံးမှု ရှိမရှိ အတိအကျမသိရသေးကြောင်း ရဲမှူးသောင်းဝေက ပြောသည်။
“လူတွေဘာတွေ ထိသလား၊ မထိဘူးလားတော့ လောလောဆယ် အတည်ပြုလို့ မရသေးဘူးဗျ၊ သွားစစ်နေကြတုန်းပဲ။ ဘာမိုင်းအမျိုးအစားလည်း ကျွန်တော်တို့ မပြောနိုင်သေးဘူး။
မိုင်းရှင်းအဖွဲ့တွေလည်း သွားရှင်းနေကြတုန်းဆိုတော့ ဗုံးပေါက်တယ် ဆိုတာလောက်ပဲ အတည်ပြုလို့ရသေးတယ်” ဟု ရဲမှူးသောင်းငွေက ဆိုသည်။
