ခရစ်သက္ကရာဇ် ၁၈၆၁ ခုနှစ်တွင် မင်းတုန်းဘုရင်ဆောက်လုပ်လှူဒါန်းခဲ့သော မန္တလေးမြို့ရှိ သင်္ဂဇာသစ်သားကျောင်းတိုက်သည် နှစ်ပေါင်း ၁၅၀ ကျော်လာပြီဖြစ်သည့်အတွက် ပြုပြင်ထိန်းသိမ်းရန် လိုအပ်နေကြောင်း သိရှိရသည်။
သင်္ဂဇာဆရာတော်သီတင်းသုံးခဲ့သော ထိုကျောင်းတိုက်သည် ကျွန်းတိုင်ကြီးများဖြင့် ဆောက်လုပ်ထားပြီး၊ ရှေးဟောင်း ပန်းပုလက်ရာများ အထင်အရှား ဆက်လက်ကျန်ရှိနေဆဲဖြစ်သည်။
ကျောင်းတိုက်အတွင်း ရှေးဟောင်းကျွန်းသေတ္တာအချို၊ ရှေးဟောင်းဘုရားဆင်းတုတော်များ ကျန်နေဆဲဖြစ်ပြီး မသမာသူ ရှေးဟောင်းပစ္စည်းခိုးယူသူများ၏ ဒဏ်ကိုခံခဲ့ရကြောင်း လက်ရှိကျောင်းတိုက်ဆရာတော် ဦးဝိသုန္ဓဇယက မိန့်ကြားသည်။
ဒုတိယကမ္ဘာစစ်အတွင်း ကျောင်းတိုက်အား ဗုံးဆန်ထိမှန်သဖြင့် ကျောင်းတိုက်၏ စာကြည့်တိုက်မှာ ပြိုကျပျက်စီးခဲ့သော်လည်း စာကြည့်တိုက်အဆောက်အအုံ၏ တစ်စိတ်တစ်ပိုင်းမှာ ယနေ့ထိ ချုံနွယ်ပိတ်ပေါင်းများကြားတွင် တွေ.မြင်ရဆဲဖြစ်သည်။
