ကယားပြည်နယ်၊ ဖရူဆိုမြို့နယ် မိုဆိုကျေးရွာတွင် စစ်ကောင်စီတပ်က ကျူးလွန်ခဲ့သည့် အစုလိုက်အပြုံလိုက် မီးရှိုးလူသတ်မှုဖြစ်စဉ်နှင့် ပတ်သက်ပြီး တရားမျှတမှုရှာဖွေနိုင်ရန်အတွက် ပြစ်မှုဆိုင်ရာ နိုင်ငံတကာခုံရုံး (ICC) အပါအဝင် နိုင်ငံတကာတရားရုံးများ၌ တရားစွဲနိုင်ရန် စီစဉ်သွားမည်ဖြစ်ပြီး ကုလသမဂ္ဂအချက်အလက်ရှာဖွေရေးအဖွဲ့ (IIMM)ထံသို့လည်း အချက်အလက်များ ပေးပို့သွားမည်ဟု အမျိုးသားညီညွတ်ရေးအစိုးရ (NUG) လူ့အခွင့်အရေးဝန်ကြီး ဦးအောင်မျိုးမင်းက ကတိပြုပြောဆိုခဲ့သည်။
စစ်ကောင်စီ၏ ရက်ရက်စက်စက်စက် အစုလိုက်အပြုံလိုက် မီးရှို့သတ်ဖြတ်ခံရသူများသည် စစ်ကောင်စီက စွပ်စွဲထားသလို လက်နက်ကိုင် PDF များမဟုတ်ဘဲ သာမန်အရပ်သား အပြစ်မဲ့ပြည်သူများသာဖြစ်ပြီး စစ်ကောင်စီက ယခုလိုအစုလိုက်အပြုံလိုက်မီးရှို့သတ်ဖြတ်မှုကို သာလွန်အင်အားအသုံးပြုပြီး ရည်ရွယ်ချက်ရှိရှိ ကျူးလွန်ခဲ့ခြင်းဖြစ်ကြောင်းလည်း ၎င်းက ဆက်ပြောပါသည်။
(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)
[youtube https://youtu.be/UD7op-7kBEE]
