ကရင်ပြည်နယ်၊ မြဝတီမြို့ တောင်ဘက်မှာရှိတဲ့ ထိုင်း-မြန်မာ နယ်စပ်မျဉ်းအနီး သောင်ရင်းမြစ်ဘေးက နေရာတွေမှာ စစ်ဘေးရှောင်ဖို့ ဒေသခံတွေ နေ့စဉ်ရောက်လာနေပါတယ်။
ကော့ကရိတ်-မြဝတီ အာရှလမ်းမကို အာဏာသိမ်စစ်တပ်က ပြီးခဲ့တဲ့ စက်တင်ဘာ ၆ရက်နေ့မှာ ပြန်လည်ထိန်းချုပ်ပြီးတဲ့နောက် မြဝတီမြို့တောင်ဘက်ခြမ်းကို စစ်ရေးလှုပ်ရှားမှုတွေ တဖြည်းဖြည်း တိုးချဲ့လာပါတယ်။
ဒီလို အခြေအနေတွေကြောင့် တကျော့ပြန် တိုက်ပွဲတွေပြင်းထန်လာမှာကို စိုးရိမ်နေကြတဲ့ ဒေသခံထောင်ချီဟာ စက်တင်ဘာ ၇ရက်နေ့ နောက်ပိုင်းကစပြီး ဘေးလွတ်ရာကို တိမ်းရှောင်လာကြတာပါ။
လုပ်လက်စ စီးပွားရေးလုပ်ငန်းတွေနဲ့ ပိုင်ဆိုင်တဲ့ အိုးအိမ်ပစ္စည်းတွေကို ထားခဲ့ရပြီး အရေးပေါ် ထွက်ပြေး၊ တိမ်းရှောင်လာရတာကြောင့် အခက်အခဲတွေနဲ့ ကြုံနေရတယ်လို့ စစ်ရှောင်လာရသူတွေက ပြောပါတယ်။
နေရပ်စွန့်ခွာ တိမ်းရှောင်လာကြရတဲ့ ဒေသခံတွေဟာ မြ၀တီမြို့နယ် လေးကေကော်မြို့သစ် ပတ်ဝန်းကျင် ကျေးရွာတွေက ဒေသခံအများစု ဖြစ်ကြပါတယ်။
၂၀၂၁ နှစ်ကုန်ပိုင်းကနေ အခုထိဆိုရင် သူတို့ထွက်ပြေးတိမ်းရှောင်ရတာ ၃ကြိမ် ရှိပါပြီ။
သတင်း – ကိုလှိုင်း၊ ရိုက်ကူး – Metro
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
