“ကျွန်တော်တို့ကချင်တွေ၊ တိုင်းရင်းသားတွေကို မျိုးသုဉ်းအောင် သတ်ဖြတ်တဲ့ စစ်ဝါဒီတွေရဲ့ လက်ချက်ပဲ” လူ ၃၀ခန့် သေဆုံးခဲ့ရသည့် လိုင်ဇာဌာနချုပ်အနီး ဗုံးကြဲခံရမှုအခြေအနေ ဆက်သွယ်မေးမြန်းချက် မြန်မာနိုင်ငံမြောက်ပိုင်း တရုတ်နယ်စပ်အနီးရှိ ကချင်လွတ်လပ်ရေးတပ်မတော် (KIA) ဌာနချုပ်ရှိရာ လိုင်ဇာမြို့အနီးမှ မုန်လိုင်ခက်ရွာကို ယမန်နေ့ ဉာဉ့်နက်ပိုင်းတွင် စစ်ကောင်စီက ပစ်ခတ်တိုက်ခိုက်၍ ကလေးများအပါအဝင် စစ်ရှောင်အများအပြား သေဆုံးဒဏ်ရာရသည်။ ပေါက်ကွဲမှုများကြောင့် သေဆုံးသူ ၂၉ ဦး၊ ဒဏ်ရာရသူ ၅၆ ဦးရှိကာ ၄၄ ဦး အရေးပေါ် ဆေးကုသနေရသည်ဟု ယနေ့ နံနက် ၈ နာရီကျော်တွင် ကချင်လွတ်လပ်ရေးတပ်မတော် (KIA) ပြောခွင့်ရ ဗိုလ်မှူးကြီးနော်ဘူက Myanmar Now ကို ပြောသည်။ လိုင်ဇာမြို့နှင့် ၂ မိုင်ကျော်ဝန်းကျင်တွင်သာ ရှိပြီး ဒေသခံနှင့် စစ်ဘေးရှောင်များ ခိုလှုံနေထိုင်သည့် မုန်လိုင်ခက်ရွာကို အောက်တိုဘာ ၉ ရက် ည ၁၁ နာရီခွဲဝန်းကျင်တွင် စစ်တပ်က တိုက်ခိုက်ခြင်းဖြစ်သည်။ အသေးစိတ်အခြေအနေများကို ဆက်လက်ဖော်ပြပါမည်။ မေးမြန်း – မောင်ရွှေဝါ
(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီ လိုအပ်နေပါသည်။ ဤနေရာတွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်)
