ရန်ကုန်တိုင်းအစိုးရ ကိုယ်စားလှယ် နှင့် စာနယ်ဇင်းကောင်စီ Eleven သတင်းထောက်များအရေး ဆွေးနွေးနေ

ကောင်စီ၏ပြောရေးဆိုခွင့်ရှိသူ၏ အဆိုအရ တိုင်းဒေသကြီးအစိုးရသည် Eleven ကိုတရားဆက်စွဲ မစွဲကို ယနေ့တွင် အဖြေပေးမည်ဖြစ်သည်။

Eleven ၏ အောက်တိုဘာ ၈ ရက်နေ့ထုတ် Eleven ဂျာနယ်ပါ ဆောင်းပါးတစ်ပုဒ်ကို ရန်ကုန်တိုင်းအစိုးရက သဘောမကျဖြစ်နေပြီး အယ်ဒီတာ နှစ်ဦးနှင့် ဆောင်းပါးရှင်တို့ကို တရားစွဲထားသည်။

တရားစွဲသည့် နည်းလမ်းထက် စာနယ်ဇင်းကောင်စီမှတစ်ဆင့် ဖြေရှင်းရန် နေပြည်တော်ရှိ နိုင်ငံတော်သမ္မတရုံးက မှတ်ချက်ပြုခဲ့ပြီးနောက် ရန်ကုန်တိုင်းဒေသကြီးအစိုးရ ကိုယ်စားလှယ်များက ကောင်စီသို့ချဉ်းကပ်ခဲ့ခြင်းဖြစ်သည်။