ကျပ်သိန်း ထောင်ချီ လာဘ်စားကြောင်း စွပ်စွဲခံနေရသည့် FDA ညွှန်ချုပ်ဟောင်း ဒေါက်တာသန်းထွဋ်အား စွဲချက်တင်သင့် မတင်သင့် မတ်လ ၁ ရက်နေ့တွင် မန္တလေးတိုင်းတရားရုံးက အမိန့်ချမည်ဖြစ်သည်။
အစားအသောက်နှင့် ဆေးဝါးကွပ်ကဲရေး ဦးစီးဌာန၊ ညွှန်ကြားရေးမှူးချုပ် ဟောင်းသည် သူ၏လုပ်ပိုင်ခွင့် အာဏာကို အလွဲသုံးစားပြုနေကြောင်း တိုင်ကြားခံခဲ့ရပြီးနောက် ပြီးခဲ့သည့်နှစ် ဧပြီလကတည်းက ဖမ်းဆီးခံထားရပြီး အမြင့်ဆုံး ထောင်ဒဏ် ၁၀ နှစ်အထိ ချမှတ်နိုင်သည့် အဂတိလိုက်စားမှုတိုက်ဖျက်ရေးဥပဒေ ပုဒ်မ ၅၆ ဖြင့် အမှုဖွင့်ခံထားရခြင်းဖြစ်သည်။
ညွှန်ချုပ်ဟောင်းသည် ၂၀၁၇ ခုနှစ်အတွက ၎င်းပိုင်ဆိုင်သည့်မြေကွက်များပေါ်တွင် အဆောက်အအုံများ ဆောက်လုပ်ခြင်းအပါအဝင် ကျပ်သိန်း ၁၅၀၀ ကျော်ကို တင်ဒါအောင်မြင်သည့် ကုမ္ပဏီထံမှ တောင်းခံရယူခဲ့ကြောင်း စစ်ဆေးပေါ်ပေါက်ခဲ့သည်ဟု အဂတိလိုက်စားမှု တိုက်ဖျက်ရေး ကော်မရှင်က သတင်းထုတ်ပြန်ခဲ့သည်။
ဆက်စပ်ဖတ်ရှုရန် – နေပြည်တော်အမြန်လမ်းပေါ်တွင် FDA ငါးကြီးကို ဖမ်းမိခြင်း
