စစ်မှုထမ်းဥပဒေနဲ့ အတင်းအဓမ္မစုဆောင်းထားတဲ့ တပ်သားသစ်တွေကို နိုင်ငံအနှံ့က ရှေ့တန်းစစ်မြေပြင်တွေဆီကို စေလွှတ်နေပါတယ်။ ဒါပေမယ့် ရှေ့တန်းမှာ သေဆုံးသွားတဲ့အခါ မိသားစုတွေဆီ ပြန်လည်အကြောင်းကြားတာ မရှိဘူးလို့ စစ်မှုထမ်းထဲပါသွားသူတွေရဲ့ မိသားစုဝင်တွေ အများအပြားဆီကနေ စုံစမ်းသိရှိရပါတယ်။
ဥပဒေထဲမှာ အကျိုးခံစားခွင့်တချို့ကို ဖော်ပြထားပေမယ့် လက်တွေ့မှာတော့ အခွင့်အရေးချိုးဖောက်ခံရမှုတွေ ရှိနေတယ်လို့ တပ်သားသစ်စုဆောင်ခံရပြီးနောက် ထွက်ပြေး၊ လွတ်မြောက်လာသူတွေက ပြောပါတယ်။
စစ်မှုထမ်းကာလဟာ ၂နှစ်ဖြစ်ပြီး ပြည်သူ့စစ်မှုထမ်း ဥပဒေမှာ စစ်မှုထမ်း တပ်သားတွေရဲ့ အကျိုးခံစားခွင့်ကို ဖော်ပြထားပေမဲ့ တကယ်လက်တွေ့ စစ်တပ်ထဲရောက်သွားတဲ့အခါမှာတော့ အခွင့်အရေးတွေ ချိုးဖောက်ခံနေရတယ်လို့ တပ်သားသစ် စုဆောင်းခံရပြီး ထွက်ပြေး လွတ်မြောက် လာတဲ့ တပ်သားတွေက ပြောကြပါတယ်။
အာဏာသိမ်းစစ်တပ်နဲ့ တော်လှန်ရေးတပ်ဖွဲ့တွေ နေ့စဉ်ဖြစ်ပွားနေတဲ့ တိုက်ပွဲတွေအတွင်း တပ်သားသစ်တွေဟာ နေ့စဉ် သေဆုံး၊ ဒဏ်ရာရတာတွေ ရှိနေပါတယ်။
စစ်ခေါင်းဆောင်တွေဟာ ဆုံးရှုံးနယ်မြေအသီးသီးကို ပြန်ထိန်းချုပ်နိုင်ဖို့ တပ်သားသစ်တွေကို ရှေ့ဆုံးကနေ အသေခံတိုက်ခိုင်းတဲ့ စစ်ရေးဗျူဟာကို အသုံးချနေတယ်လို့ ထွက်ပြေးလွတ်မြောက်လာသူတွေနဲ့ တော်လှန်ရေးတပ်ဖွဲ့တွေဘက်က ပြောပါတယ်။
ကိုလှိုင်း/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
