အိမ်နီးချင်း ထိုင်းနှင့် အခြားနိုင်ငံများသို့ တရားမဝင်လမ်းကြောင်းမှ စွန့်စားသွားရောက် အလုပ်လုပ်ကိုင်သူများထံမှလည်း ဝင်ငွေခွန်ကောက်မည်ဟု စစ်ကောင်စီက ဆိုသည်။ တရားမဝင်လမ်းကြောင်းမှ ထွက်လာကြသည့် အလုပ်သမားများထံမှ အခွန်ငွေအများအပြား ရရှိနိုင်ရန် စစ်ကောင်စီက စီစဉ်ခြင်းဖြစ်ကြောင်း အခွန်ကျွမ်းကျင်ပညာရှင်တစ်ဦးက Myanmar Now ကို ပြောသည်။ “တော်တော်လေးကို တင်းတင်းကျပ်ကျပ်လုပ်တဲ့သဘောရှိတယ်။ အဲ့ဒီတော့ ဒါက ဓားပြတိုက်တာပေါ့” ဟု လုံခြုံရေးအရ အမည်မဖော်လိုသည့် ထိုပညာရှင်က ပြောသည်။ အိမ်နီးချင်း ထိုင်းနိုင်ငံကို ရသည့်နည်းဖြင့် ခိုးဝင်လာကြသည့် ရွှေ့ပြောင်းအလုပ်သမား သန်းနှင့်ချီရှိနေပြီး အထောက်အထားမဲ့ မြန်မာ့အလုပ်သမားများအနေဖြင့် ထိုင်းအစိုးရ ထုတ်ပေးသော အလုပ်လုပ်ကိုင်ခွင့် ပန်းရောင်ကတ် ကိုင်ဆောင်ကာ ကြုံရာကျပန်းအလုပ်ကို အနိမ့်ဆုံးလုပ်ခလစာဖြင့် လုပ်ကိုင်နေကြရသည်။ သတင်း၊ တင်ဆက် – အောင်နိုင်၊ ဟန်သစ်
လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/registe… လှူဒါန်းနိုင်ပါသည်။
