တရုတ်-မြန်မာနယ်စပ်ကုန်သွယ်ရေးတွင် အရေးအပါဆုံးဖြစ်သည့် ရှမ်းပြည်နယ်မြောက်ပိုင်း မူဆယ် ၁၀၅ မိုင်ကုန်သွယ်ရေးဇုန်ကို ထိန်းချုပ်နိုင်ရန်အတွက် တအာင်းတပ်TNLA က နိုဝင်ဘာ ၂၆ က စတင်ပြီး အပြင်းအထန် ထိုးစစ်ဆင်တိုက်ခိုက်နေသည်။ တအာင်းတပ် TNLA သည် နယ်စပ်ကုန်သွယ်ရေးအတွက် အဓိကကျသော မူဆယ်မြို့ကို လာရောက်တိုက်ခိုက်နေကြောင်း ယမန်နေ့ (နိုဝင်ဘာ ၂၉) က ပြုလုပ်သည့် စစ်ကောင်စီအစည်းအဝေးတွင် စစ်ခေါင်းဆောင် မင်းအောင်လှိုင်က ပြောဆိုထားသည်။ တရုတ်-မြန်မာနှစ်နိုင်ငံ နယ်စပ်ကုန်သွယ်မှုတစ်ခုလုံး၏ ၇၀ ရာခိုင်နှုန်းခန့် ကုန်သွယ်သည့်နေရာဖြစ်သော ၁၀၅ မိုင် ကုန်သွယ်ရေးဇုန် အနီးတစ်ဝိုက်တွင် တိုက်ပွဲများ ပြင်းထန်နေပြီး စစ်တပ်ဘက်က လေကြောင်း၊ လက်နက်ကြီးတို့ ပစ်ခတ်ကာ ခုခံနေရသည်။ တိုက်ပွဲများအတွင်း အရပ်သားထိခိုက်သေဆုံးမှုများလည်း ရှိနေသည်။ လက်ရှိ မူဆယ်မြို့အခြေအနေ၊ ၁၀၅ မိုင် ကုန်သွယ်ရေးဇုန် အရေးပါပုံ၊ ညီနောင်မဟာမိတ်တပ်ဖွဲ့များ ထိန်းချုပ်ရန် ကြိုးစားရသည့် အကြောင်းရင်းနှင့် ပတ်သက်ပြီး မူဆယ်မြို့ ဒေသခံတစ်ဦးကို Myanmar Now က နိုဝင်ဘာ ၂၈ တွင် ဆက်သွယ်မေးမြန်းထားသည်။ မေးမြန်း၊ တည်းဖြတ် – အောင်နိုင်၊ လင်းထင်
လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/registe… လှူဒါန်းနိုင်ပါသည်။
