
အာဏာသိမ်းစစ်ကောင်စီကို တစ်နိုင်ငံလုံးအတိုင်းအတာဖြင့် ခုခံတော်လှန်ရေးတိုက်ပွဲ စတင်ပြီဟု စက်တင်ဘာ ၇ တွင် အမျိုးသားညီညွတ်ရေးအစိုးရ(NUG) က ကြေညာလိုက်ပြီဖြစ်ရာ တိုက်ပွဲဖော်ဆောင်မည့်ပုံစံ၊ တိုင်းရင်းသားလက်နက်ကိုင်အဖွဲ့အစည်းများနှင့် ပူးပေါင်းဆောင်ရွက်မှု၊ ပြည်သူလူထုက ကူညီပေးနိုင်သည့် အခြေအနေများအပေါ် NUG ၏ ကာကွယ်ရေးဝန်ကြီး ဦးရည်မွန် ကို Myanmar Now က ဆက်သွယ်မေးမြန်းထားပါသည်။
တစ်နိုင်ငံလုံးကို အရေးပေါ်အခြေအနေကြေညာထားသလို စက်တင်ဘာ ၇ကစပြီး ရက်အကန့်အသတ်မရှိ ‘အလုပ်ပိတ်ရက်’ အဖြစ်သတ်မှတ်ထားပြီး “ ဒါက ရုံးမတက်ကြပါနဲ့လို့ တိုက်တွန်းတာ မဟုတ်တော့ဘူး။ ရုံးမတက်ဖို့ တားမြစ်တာဖြစ်တယ်ဆိုတာကိုတော့ သေသေချာချာ ဒါကို ပြောချင်ပါတယ်” ဟု ကာကွယ်ရေးဝန်ကြီးက ယခုအင်တာဗျူးတွင် ထည့်ပြောသွားသည်။
[youtube https://youtu.be/H_qFdb_pwbY]