စစ်အာဏာသိမ်းမှု ၅နှစ်ကျော်အတွင်း မြန်မာနိုင်ငံက အလုပ်သမားတွေရဲ့ လုပ်ငန်းခွင် မလုံခြုံမှုအပါအဝင် အခြေခံရပိုင်ခွင့် ချိုးဖောက်ခံရမှုနဲ့ ဖိအားပေးခြိမ်းခြောက်ခံရမှုတွေ ဆိုးဆိုးရွားရွား ကြုံတွေ့နေရပါတယ်။
အထူးသဖြင့် စက်ရုံအလုပ်ရုံတွေမှာ ညလုံးပေါက် အချိန်ပို(OT)တွေ အတင်းအဓမ္မ ခိုင်းစေပြီး အချိန်ပိုကြေးတွေ အပြည့်အဝမပေးတာစတဲ့ ပြဿနာတွေက အလုပ်သမားတွေအတွက် နေ့စဉ်ဘဝ အခက်အခဲလို ဖြစ်နေတာပါ။
ဒါ့အပြင် အပြည်ပြည်ဆိုင်ရာ အလုပ်သမားအဖွဲ့ချုပ်(ILO) ရဲ့ စစ်တပ်ကို အရေးယူမှုတွေဟာ တကယ်တမ်း သက်ရောက်မှု ရှိ၊ မရှိ မေးခွန်းထုတ်စရာဖြစ်နေပြီး၊ စစ်အုပ်စုစီစဉ်ကျင်းပတဲ့ ရွေးကောက်ပွဲအပြီး စစ်အစိုးရရဲ့ လုပ်ဆောင်ချက်တွေအပေါ် ILO ရဲ့ သဘောထားကိုလည်း စောင့်ကြည့်ရမှာ ဖြစ်ပါတယ်။
ဒါ့အပြင် အကြံပြုချက်တွေကို လိုက်နာမှုရှိ၊ မရှိ မြန်မာနိုင်ငံထဲ စစ်ဆေးရေးအဖွဲ့ စေလွှတ်နိုင်ရေးအတွက် ILO နဲ့ စစ်တပ်ကြား ညှိနှိုင်းမှုတွေလည်း ရှိနေပါတယ်။
ဒီအခြေအနေတွေနဲ့ပတ်သက်ပြီး ILO အုပ်ချုပ်ရေးအဖွဲ့ဝင်တစ်ဦးဖြစ်တဲ့ အလုပ်သမားသမဂ္ဂများအဖွဲ့ချုပ်(CTUM) ရဲ့ လက်ထောက်အထွေထွေအတွင်းရေးမှူး ဒေါ်ဖြိုးစန္ဒာစိုး ကို Myanmar Now က ဆက်သွယ်မေးမြန်းထားပါတယ်။
မေးမြန်း – သဇင်လှိုင်၊ တည်းဖြတ် – မြတ်ကြီး
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
