ကချင်လွတ်လပ်ရေးအဖွဲ့ (KIO/KIA)ထိပ်ပိုင်းခေါင်းဆောင် ဒုတိယဗိုလ်ချုပ်ကြီး ဂွန်မော် နဲ့ အဖွဲ့ ရဲ့ ရှမ်းပြည်နယ်မြောက်ပိုင်း ခရီးစဉ်အတွင်း ဒေသခံလူထုအပါဝင် ရှမ်း၊တအာန်း၊ကိုးကန့် တိုင်းရင်းသားလက်နက်ကိုင်သုံးဖွဲ့နဲ့ ပါတွေ့ဆုံပြီး အတူယှဉ်တွဲနေထိုင်ရေးအတွက် ဆွေးနွေးခဲ့တယ်လို့ KIA ဆီက သိရပါတယ်။
ကချင်လွတ်လပ်ရေးတပ်မတော် KIA ဟာ ၂၀၂၄ ခုနှစ် ဇန်နဝါရီလထဲမှာ ရှမ်းမြောက် ကွတ်ခိုင်မြို့နယ် နမ့်ဖတ်ကာ ဒေသကို သိမ်းပိုက်ထားနိုင်တာဖြစ်ပါတယ်။
KIO /KIA ဒုတိယဥက္ကဋ္ဌဖြစ်သူ ဒုတိယဗိုလ်ချုပ်ကြီး ဂွန်မော်ဦးဆောင်တဲ့ အဖွဲ့ဟာ အခုနှစ် ဧပြီလ ၄ ရက်နေ့ကနေ ၆ ရက်အထိ ရှမ်းပြည်နယ် မြောက်ပိုင်းကို ခရီးသွားခဲ့ကြတာပါ။
ရှမ်းမြောက်မှာ လှုပ်ရှားနေတဲ့ လက်နက်ကိုင်တပ်တွေဖြစ်တဲ့ SSPP၊ TNLA၊ MNDA Aတို့နဲ့ ဒုတိယဗိုလ်ချုပ်ကြီး ဂွန်မော်တို့ သီးခြားစီတွေ့ဆုံခဲ့တာ ဖြစ်ပြီး တော်လှန်ရေးအဖွဲ့တွေ အကြား အချင်းချင်းကူညီဖေးမ နေထိုင်ဖို့ ပြောဆိုခဲ့ကြပေမယ့် စစ်ရေးနဲ့ပတ်သက်တဲ့ ပြောဆိုဆွေးနွေးမှု အခြေအနေကိုတော့ မသိရဘူးလို့ ဗိုလ်မှူးကြီးနော်ဘူက ပြောပါတယ်။
သတင်း-မောင်ရွှေဝါ၊မြတ်ကြီး
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
