အမေရိကန်နိုင်ငံအလယ်ပိုင်း၊ မင်နီဆိုတာပြည်နယ်က ဒီမိုကရက်တစ်အုပ်စု အားကောင်းတဲ့ မြို့တော် မင်နီယာပိုလစ်မှာ ပြီးခဲ့တဲ့ စနေနေ့က ဖက်ဒရယ်လူဝင်မှုကြီးကြပ်ရေး (I-C-E) အေးဂျင့်တွေရဲ့ ပစ်ခတ်မှုကြောင့် အသက် ၃၇ နှစ်အရွယ် အထူးကြပ်မတ်ကုသဆောင် သူနာပြု အဲလက်စ် ပရက်တီ သေဆုံးခဲ့ရတဲ့ဖြစ်စဉ်ဟာ အမေရိကန်တစ်နိုင်ငံလုံးမှာ အငြင်းပွားစရာဖြစ်ရပ်တစ်ခု ဖြစ်နေပါတယ်။
အခုဖြစ်ရပ်ဟာ ဒီလအတွင်း မင်နီယာပိုလစ်မှာ အမေရိကန်နိုင်ငံသားတစ်ဦး ဒုတိယမြောက်အနေနဲ့ ထပ်မံ အသတ်ခံရတာဖြစ်ပြီး ဖြစ်စဉ် နှစ်ခုစလုံးမှာ ဖက်ဒရယ်အေးဂျင့်တွေဟာ ကိုယ့်ကိုယ်ကိုယ်ခုခံခဲ့တာ ဖြစ်တယ်လို့ သမ္မတဒေါ်နယ်ထရမ့်နဲ့ အစိုးရတာဝန်ရှိသူတွေက ပြောပါတယ်။
နောက်ဆုံး ထွက်ပေါ်လာတဲ့ ဗီဒီယိုမှတ်တမ်းတွေမှာတော့ အဲလက်စ် ပရက်တီ ဟာ လိုင်စင်နဲ့ကိုင်ဆောင်ထားတဲ့ သူရဲ့ လက်နက်ကို သိမ်းယူခံရပြီးမှ ပစ်သတ်ခံခဲ့ရတာကို တွေ့ရပါတယ်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
