ရှမ်းပြည်တောင်ပိုင်းနဲ့ ကရင်နီ(ကယား)ပြည်နယ် အစပ်မှာ အခုလဆန်းကတည်းက အာဏာသိမ်းစစ်တပ်ဦးဆောင်တဲ့ ပအိုဝ်းပြည်သူ့စစ်ပူးပေါင်းတပ်ဖွဲ့တွေနဲ့ တော်လှန်ရေးတပ်ဖွဲ့တွေကြား နှစ်ဖက်တိုက်ပွဲပြင်းထန်နေတာကြောင့် ထောင်နဲ့ချီတဲ့ဒေသခံတွေ ထွက်ပြေးတိမ်းရှောင်နေကြရပြီး ရွာလုံးကျွတ်မီးရှို့ခံရတာတွေလည်း ရှိနေပါတယ်။
တပ်သားသစ်အင်အား သောင်းနဲ့ချီ စုဆောင်းထားပြီလို့ ကြေညာထားတဲ့ ပအိုဝ်းပြည်သူ့စစ် PNO/PNA အဖွဲ့ဟာ တော်လှန်ရေးတပ်တွေ ထိန်းချုပ်ထားတဲ့ မိုးဗြဲမြို့ကို စစ်တပ်ပြန်ထိန်းချုပ်နိုင်အောင် ကူညီတိုက်ခိုက်ပေးခဲ့ပါတယ်။
စစ်တပ်နဲ့ PNO/PNA ပူးပေါင်းတပ်ဖွဲ့တွေဟာ ဖယ်ခုံနဲ့ ပင်လောင်းမြို့နယ်အစပ်က မြောက်စလုံးရွာနဲ့ ဘောရန်ရွာကို အောက်တိုဘာ ဒုတိယပတ်အတွင်း မီးရှို့ဖျက်ဆီးခဲ့တယ်လို့ ကရင်နီအမျိုးသားများကာကွယ်ရေးတပ် KNDF ဘက်က ပြောပါတယ်။
PNO/PNA ဘက်ကတော့ သူတို့လက်ချက် မဟုတ်ဘူးလို့ ငြင်းဆိုပါတယ်။
စောရယ်၊ မြတ်ကြီး/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
