ဗုဒ္ဗမြတ်စွာဘုရား တာဝတိံသာနတ်ပြည်မှာ ဝါတွင်းသုံးလ တရားဟောပြီး လူ့ပြည်ကို ပြန်ကြွလာတဲ့နေ့အဖြစ် ဗုဒ္ဓဘာသာဝင်တွေ ယုံကြည်ကြတဲ့ သီတင်းကျွတ်လပြည်နေ့ညမှာ မြန်မာပြည်အလယ်ပိုင်း၊ အညာဒေသက ရွာတစ်ရွာကို စစ်တပ်က ဗုံးကြဲခဲ့တာကြောင့် အနည်းဆုံး လူ ၂၀ကျော် အစုလိုက်အပြုံလိုက်သေဆုံးပြီး ဒဏ်ရာရသူ အများအပြား ရှိတယ်လို့ အဲ့ဒီဖြစ်စဉ်မှာ ကူညီကယ်ဆယ်ရေးဆောင်ရွက်ပေးနေသူတွေဆီကနေ သိရပါတယ်။
အောက်တိုဘာလ ၆ရက်နေ့၊ သီတင်းကျွတ်လပြည့်နေ့ ည ၇နာရီကျော်အချိန်မှာ စစ်ကိုင်းတိုင်း၊ မုံရွာနဲ့ချောင်းဦးနယ်အစပ်က ချောင်းဦးမြို့နယ် ဘုံတိုရွာမှာ သီတင်းကျွတ်မီးထွန်းပွဲ လူစည်ကားနေချိန် အင်ဂျင်တပ်လေထီး(ပါရာမော်တာ)နဲ့ စစ်တပ်က ဗုံးကြဲခဲ့တာပါ။
တော်လှန်ရေးအားကောင်းတဲ့ ဗုံတိုရွာမှာ မီးထွန်းပွဲနဲ့အတူ စစ်အာဏာသိမ်းမှုကိုဆန့်ကျင်တဲ့ မီးထွန်းပွဲသပိတ်လုပ်နေချိန်မှာ ဗုံး ၂လုံး ကြဲချခဲ့တာကြောင့် သေဆုံးသူတွေထဲ ကလေးငယ်တွေနဲ့ အရပ်သားတွေအပါအဝင် သပိတ်ကော်မတီဝင်တွေလည်း ပါဝင်တယ်လို့ သိရပါတယ်။
Myanmar now/ ကိုလှိုင်း
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
