‘ဗုံးခိုကျင်း’ ဆိုတာ နိုင်ငံအလယ်ပိုင်း၊ အညာဒေသမှာ ၂၀၂၁ စစ်အာဏာမသိမ်းခင်အထိ ကြားဖူးနားဝသာ ရှိခဲ့ပေမယ့် အခုဆိုရင်တော့ နေ့စဉ်လူမှုဘဝတွေမှာ ဗုံးခိုကျင်းတွေနဲ့ ယှဉ်တွဲနေထိုင်လာရပါပြီ။
တစ်ခါမှမရှိခဲ့ဖူးတဲ့ သမိုင်းဝင်စစ်ရေးရှုံးနိမ့်မှုတွေနဲ့ ရင်ဆိုင်နေရတဲ့ စစ်ကောင်စီဟာ ခုခံတော်လှန်မှုအားကောင်းတဲ့ အညာဒေသကိုလည်း လေကြောင်းကနေ ဗုံးကြဲတာတွေ ပိုလုပ်လာပါတယ်။ ဒီလိုအခြေအနေမှာ ဗုံးခိုကျင်းဟာ ပြည်သူတွေအတွက် မရှိမဖြစ် လိုအပ်လာပါတယ်။
“အန္တရာယ်ကင်းအောင် ကြိုပြီး(ဗုံးခိုကျင်းထဲ)ဝင်ထားနှင့်ရတာ၊ ကိုယ့်ရှေ့မှာသေသွားတဲ့လူ တပုံကြီးပဲ” လို့ မန္တလေးတိုင်း၊ မတ္တရာမြို့နယ်ထဲက ဒေသခံအမျိုးသမီးတစ်ဦးက ဗုံးခိုကျင်းထဲတိမ်းရှောင်နေရင်း ပြောပြပါတယ်။
အညာဒေသ ဗုံးခိုကျင်းထဲက လူမှုဘဝတွေအကြောင်း ဒီရုပ်သံမှာ ကြည့်ရှုနိုင်ပါတယ်။
သတင်း၊ တင်ဆက် – ကိုလှိုင်း
