အာဏာသိမ်းစစ်ကောင်စီ ရဲ့ ကြိုတင်သတိပေးမှူ မရှိခဲ့တဲ့ ရေဘေးအန္တရာယ်ကြောင့် ဒီကနေ့ စက်တင်ဘာ ၁၃ရက်နေ့အထိ နေပြည်တော်အပါအဝင် နေရာအနှံ့အပြားမှာ အတည်မပြုနိုင်တဲ့ သေဆုံးသူနဲ့ ပျောက်ဆုံးသူ ရာနဲ့ချီရှိနေပြီး၊ သောင်းနဲ့ချီတဲ့ပြည်သူတွေ ဘေးလွတ်ရာကို ရွှေ့ပြောင်းနေကြရပါတယ်။ ‘ရာဂိ’ တိုင်ဖွန်းမုန်တိုင်းအရှိန်ကြောင့် စက်တင်ဘာ ၉ရက်က စပြီး မြန်မာနိုင်ငံဒေသအများအပြားမှာ မိုးသည်းထန်စွာရွာသွန်းခဲ့ပြီးတဲ့နောက် ရှမ်းပြည်နယ် အရှေ့ပိုင်း၊ ကရင်ပြည်နယ် မြဝတီ၊ ရှမ်းပြည်နယ် တောင်ပိုင်းက တောင်ပေါ်ဒေသတွေ အပြင် မြန်မာနိုင်ငံအလယ်ပိုင်း မန္တလေးတိုင်း ပျော်ဘွယ်၊ ရမည်းသင်း၊ ကျောက်ဆည်၊ မြစ်သား မြို့နယ်တွေအပြင် အာဏာသိမ်း စစ်ကောင်စီအခြေစိုက်ရာ နေပြည်တော်က ဇေယျာသီရိ၊ ပျဉ်းမနား၊ တပ်ကုန်းစတဲ့ မြို့နယ်တွေမှာပါ စပြီး အဆိုးရွားဆုံး ရေဘေးနဲ့ ကြုံတွေ့ခဲ့ရတာပါ။ နောက်ဆက်တွဲအနေနဲ့ စစ်တောင်းမြစ်ဝှမ်းဒေသ ပဲခူးတိုင်းထဲမှာပါ ရေကြီးရေလျှံမှုတွေ ဖြစ်လာတဲ့အကြောင်း ဒီရုပ်သံမှာ ကြည့်ရှုနိုင်ပါတယ်။
