ပြီးခဲ့တဲ့ ဖေဖော်ဝါရီလအတွင်း စစ်မှုမထမ်းမနေရဥပဒေ ပြဋ္ဌာန်းလိုက်ပြီးတဲ့နောက်မှာ နာမည်ဆိုးနဲ့ကျော်ကြားတဲ့ အာဏာသိမ်းစစ်တပ်ထဲကို မဝင်လိုကြတဲ့ လူငယ်အများအပြားဟာ တော်လှန်ရေးတပ်ဖွဲ့တွေထဲကို ချိတ်ဆက်ဝင်ရောက်နေကြတာပါ။ အဲ့ဒီအထဲမှာ BPLA လို့ခေါ်ပြီး၊ ကဗျာဆရာမောင်ဆောင်းခ ဦးဆောင်တဲ့ ဗမာပြည်သူ့လွတ်မြောက်ရေးတပ်တော်ထဲကိုလည်း နယ်ပယ်အသီးသီးက လူငယ်တွေအများအပြား ရောက်ရှိလာကြပါတယ်။ ဧပြီလအတွင်းက ကရင်ပြည်နယ်တစ်နေရာမှာ BPLA ရဲ့ အပတ်စဉ် ၆ သင်တန်းဆင်းပွဲ ပြုလုပ်ခဲ့ပါတယ်။ အခုဆိုရင် သင်တန်းဆင်းရဲဘော်တချို့ဟာ ရှေ့တန်းစစ်မြေပြင်မှာ တာဝန်ထမ်းဆောင်နေကြပါပြီ။ ပုံစံအမျိုးမျိုးနဲ့ တော်လှန်ရေးတပ်ထဲကို ရောက်လာကြတဲ့ လူငယ်တွေအကြောင်း ဒီရုပ်သံမှာ ကြည့်ရှုရမှာ ဖြစ်ပါတယ်။ ရိုက်ကူး၊ တည်းဖြတ် – အောင်ခမ်း၊ ကိုချို၊ ဟန်သစ်
