လူထု သပိတ်မှောက်ကြောင့် တပ်စီးပွားရေးထုတ်ကုန်ရောင်းအား ထိုးကျသွား၍ ၎င်းတို့ ကုန်ပစ္စည်းများ မဖြစ်မနေ ပြန်ရောင်းရန် ဆိုင်ရှင်များကို ဖိအားပေးနေသည်။ သေနတ်ပြ ခြိမ်းခြောက်ခံရသည့် ဆိုင်ရှင်များ လိုက်လျောရမည်ဖြစ်သော်လည်း လူထု၏ စစ်တပ်ထုတ်ကုန်သပိတ်ကို ထိခိုက်ရန်မရှိဟု တက္ကသိုလ်ကျောင်းသားများသမဂ္ဂ (တကသ) ကျောင်းသားဟောင်းများအင်အားစု ဦးဆောင်သူ ကိုနန်းလင်းက ပြောသည်။ “စစ်တပ်က ဖိအားပေးလို့ ဆိုင်တွေက ရောင်းရလိမ့်မယ်၊ တင်ရလိမ့်မယ်။ သို့သော် ပြဿနာမရှိဘူး။ အဓိက အရေးကြီးတာက ဘယ်နေရာမှာ ဘယ်လိုရောင်းရောင်း ကျွန်တော်တို့ ပြည်သူတွေက မဝယ်ယူနဲ့၊ မသောက်သုံးနဲ့” ဟု ကိုနန်းလင်းက ပြောသည်။
သတင်း၊ တင်ဆက် – ဟန်သစ်
