ယခုလို နွေဦးရာသီဆိုလျှင် အညာဒေသတစ်ခွင် ဘုရားပွဲ၊ ဇာတ်ပွဲများ ခြိမ့်ခြိမ့်သဲ ကျင်းပလေ့ရှိရာ လှည်းပေါ်တွင် စားသောက်ဖွယ်ရာများတင်ပြီး ညအိပ်ညနေ ပွဲသွားကြည့်ကြသည်မှာ အညာဒေသခံများ၏ အစဉ်အလာတစ်ခု ဖြစ်သည်။
စစ်တပ်အာဏာသိမ်းပြီးနောက် အညာဒေသ၏ ထိုမြင်ကွင်းများ ရုတ်ချည်း ကွယ်ပျောက်ခဲ့ရသည်။ ဘုရားပွဲ၊ ဇာတ်ပွဲများ၏ ပုံရိပ်တစ်ခုအဖြစ် အစဉ်အဆက် တည်ရှိခဲ့သည့် အညာလှည်းများသည် ယခုအခါ စစ်ကောင်စီစစ်သားများလာလျှင် ဒေသခံများ အသက်လု ထွက်ပြေးရသည့် ယာဉ်တစ်ခု ဖြစ်လာသည်။
