စစ်ကောင်စီအထိနာခဲ့တဲ့ ဒီးမော့ဆိုကို လေယာဉ်ပစ်ကူနဲ့ ထိုးစစ်ဆင်နေ

ဒီးမော့ဆိုမြို့နယ် ကုန်းသာကျေးရွာ၊ သေးဆူလဲရွာနှင့် ကျောက်ဆည်ကန်ကို ယနေ့မတ်လ ၇ ရက်နေ့တွင် စစ်ကောင်စီဘက်က အင်အားအလုံးအရင်းသုံးပြီး ထိုးစစ်ဆင်နေသဖြင့် တိုက်ပွဲများ ပြင်းထန်နေကြောင်း ဒီးမော့ဆိုမြို့နယ် ပြည်သူ့ကာကွယ်ရေးတပ် ပြောရေးဆိုခွင့်ရှိသူက Myanmar Now ကို ပြောပါသည်။

မတ်လ ၅ ရက်နေ့နှင့် ၆ ရက်နေ့က ထိုးစစ်ဆင်ရာတွင် စစ်ကောင်စီဘက်က ၇၀ ခန့်သေဆုံးခဲ့သဖြင့် ယနေ့ လက်နက်ကြီးပစ်ကူများအပြင် တိုက်လေယာဉ်ပစ်ကူများသုံးပြီး ထပ်မံ ထိုးစစ်ဆင်လာကြောင်း ၎င်းက ဆက်ပြောပါသည်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)