ရခိုင်ပြည်နယ်က တောင်သူလယ်သမားတွေဟာ မိုးစပါးစိုက်ပျိုးရာသီကို ရောက်ရှိလာပေမယ့် စစ်အာဏာသိမ်းမှု နောက်ဆက်တွဲ အကျပ်အတည်းတွေအောက်မှာ လယ်ယာလုပ်ငန်းကို အရင်လို လုပ်ကိုင်ဖို့ ပိုမိုခက်ခဲလာနေပါတယ်။ စက်သုံးဆီ၊ မြေသြဇာနဲ့ အခြားသွင်းအားစုကုန်ကျစရိတ်တွေ မြင့်တက်နေချိန်မှာ စပါးဈေးနှုန်းကတော့ ကျဆင်းနေတဲ့အတွက် စိုက်လေလေ အရှုံးပေါ်လေလို့ လယ်သမားတွေက ပြောပါတယ်။
ကုန်သွယ်ရေးနဲ့ သယ်ယူပို့ဆောင်ရေး အခက်အခဲတွေကြောင့် စပါးတွေကို ပြည်မဘက် မတင်ပို့နိုင်တော့ဘဲ ဒေသတွင်းမှာသာ ရောင်းချနေရတာကလည်း ဈေးကွက်ကျဆင်းရတဲ့ အဓိကအကြောင်းရင်းတစ်ခု ဖြစ်နေပါတယ်။ ဒီလိုအခြေအနေတွေကြောင့် လယ်သမားတချို့ဟာ စိုက်ပျိုးဧက လျှော့ချလာရတဲ့အထိ ဖြစ်နေပါတယ်။
လယ်ယာလုပ်ငန်း ကျဆင်းလာတာဟာ လယ်သမားတွေရဲ့ ဝင်ငွေကိုသာ မဟုတ်ဘဲ ရေရှည်မှာ ပြည်တွင်း စားနပ်ရိက္ခာလုံခြုံရေးအပေါ်ပါ သက်ရောက်လာနိုင်တယ်ဆိုတဲ့ သုံးသပ်ချက်တွေလည်း ရှိနေပါတယ်။
ညီထွေး/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
