ကရင်နီပြည်နယ် မြို့တော်လွိုင်ကော်ကို ရောက်လာတဲ့ အင်အား ၅၀၀ကျော်ပါ စစ်ကောင်စီစစ်ကြောင်းမှာ စစ်တပ်ကိုထောက်ခံတဲ့ ပအိုဝ်းပြည်သူ့စစ် PNO တပ်ဖွဲ့ဝင်အများအပြား ပါဝင်တယ်လို့ တော်လှန်ရေးတပ်ဖွဲ့တွေဘက်က ပြောပါတယ်။ ကရင်နီတော်လှန်ရေးတပ်ပေါင်းစုရဲ့ ၁ လေးလုံး စစ်ဆင်ရေးကြောင့် လွိုင်ကော်မြို့ဧရိယာထက်ဝက်ကျော်ကို ဆုံးရှုံးခဲ့ရတဲ့ စစ်ကောင်စီတပ်ဟာ ရှမ်းပြည်နယ်တောင်ပိုင်း၊ ဆီဆိုင်မြို့ကတစ်ဆင့် တန်ပြန်စစ်ကြောင်းထိုးလာတာ ဖြစ်ပြီး၊ ဇွန်လထဲမှာတော့ လွိုင်ကော်မြို့ထဲအထိ ထိုးဖောက်ဝင်ရောက်နိုင်ခဲ့ပါတယ်။ အင်အား ၅၀၀ ကျော်ပါတဲ့ စစ်ကောင်စီစစ်ကြောင်းနဲ့ လွိုင်ကော်မြို့က စစ်ကောင်စီလက်ကျန်တပ်တွေ ပေါင်းမိသွားချိန်မှာတော့ တော်လှန်ရေးတပ်တွေဟာ ၁ လေးလုံးစစ်ဆင်ရေးအတွင်း ထိန်းချုပ်ထားနိုင်တဲ့ လွိုင်ကော်မြို့ပေါ်နေရာတချို့ကို လက်လွတ်လိုက်ရပါတယ်။ သတင်း၊ တင်ဆက် – မြတ်ကြီး
