စာပေကျမ်းဂန်တွင် ထင်ရှားသည့် ဆရာတော်တစ်ပါး ယမန်နေ့က မန္တလေးတိုင်း ငါန်းဇွန်မြို့နယ်အတွင်း သေနတ်ဖြင့် ပစ်သတ်ခံရခြင်းသည် မျက်မြင်သက်သေ ဆရာတော်တစ်ပါး၏ မိန့်ကြားချက်အရ စစ်ကောင်စီတပ်ဖွဲ့ဝင်တို့၏ လက်ချက်ဖြစ်ကြောင်း ထင်ရှားပေါ်လွင်သွားပြီ ဖြစ်သည်။ ပဲခူးမြို့ ဝင်းနိမ္မိတာရုံကျောင်းတိုက်ဆရာတော် အရှင်မုနိန္ဒာဘိဝံသ ရေးသားပြုစုခဲ့သော ကျမ်းဂန်စာပေများသည် မြန်မာနိုင်ငံရှိ သိန်းနှင့်ချီသော စာသင်သားသံဃာတော်များ မှီငြမ်းရသည်အထိ ထင်ရှားသည်။ ထို့ကြောင့် ဆရာတော် ပျံတော်မူခြင်းသည် သံဃာထုတစ်ရပ်လုံးအတွက် ဆုံးရှုံးမှုဖြစ်ခြင်းသည်ဟု ပိဋကတ်သုံးပုံအနက် နှစ်ပုံအာဂုံဆောင်ပြီးသည့် ဆရာတော် ဦးပညိဿရာလင်္ကာရက မိန့်ကြားသည်။
