“အခု မယ်စဲ့ကို သိမ်းတယ်။ ပြီးရင် သိမ်းလို့ရတဲ့ မြို့တိုင်းကို သိမ်းမယ်။ လွိုင်ကော်ကို သိမ်းမယ်၊ ကယားပြည်နယ်ကို သိမ်းမယ်၊ ပြီးရင် နေပြည်တော်ကို သိမ်းမယ်။ ကျွန်တော်တို့ရဲ့ ရည်မှန်းချက်က စစ်အာဏာရှင်စနစ် တစ်နိုင်ငံလုံးမှာ ပြုတ်ကျဖို့ ဖြစ်တယ်။ ဒါက ကျွန်တော်တို့ အဖွဲ့အစည်းရဲ့ ရည်မှန်းချက် ပန်းတိုင်” – ရဲဘော်လောရင်းစိုး ၁၉၉၄ ခုနှစ်ကတည်းက စစ်တပ်နဲ့ အပစ်အခတ် ရပ်စဲခဲ့တဲ့ ကရင်နီပြည် လူမျိုးပေါင်းစုံ ပြည်သူ့ လွတ်မြောက်ရေး တပ်ဦး (ကလလတ – KNPLF) ဟာ အခုအချိန်မှာတော့ အာဏာသိမ်း စစ်ကောင်စီကို ပြန်တိုက်နေပါပြီ။ ကလလတ အနေနဲ့ အပစ်ရပ် ကာလအတွင်းမှာ စစ်တပ်ရဲ့ ဖိအားပေးမှုကြောင့် တပ်ရင်း ၂ ရင်းကို နယ်ခြားစောင့်တပ် BGF အဖြစ် ပြောင်းလဲ ဖွဲ့စည်းပေးခဲ့ရပါတယ်။ အခု အာဏာသိမ်း စစ်ကောင်စီကို ပြန်လည် တိုက်ခိုက်တဲ့အချိန်မှာတော့ BGF တပ်ရင်း နှစ်ခုဟာ မိခင် အဖွဲ့အစည်းဖြစ်တဲ့ ကလလတ နဲ့ ပြန်လည် ပေါင်းစည်းပြီး တိုက်ပွဲဝင်နေပါတယ်။ ဒီအခြေအနေတွေနဲ့ပတ်သက်ပြီး ကလလတရဲ့ တွဲဖက်အထွေထွေအတွင်းရေးမှူးလည်းဖြစ်၊ ပြောခွင့်ရသူလည်း ဖြစ်တဲ့ ရဲဘော်လောရင်းစိုး ကို Myanmar Now က ဆက်သွယ်မေးမြန်းထားပါတယ်။
မေးမြန်း၊ တင်ဆက် – လင်းထင်
လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)
