ယနေ့ ဇွန်လ ၁၈ ရက်နေ့ မွန်းတည့် ၁၂ နာရီခန့်တွင် မန္တလေးတိုင်း မြင်းခြံမြို့နယ် ယာဉ်ထိန်းရဲတပ်ဖွဲ့မှ အသက် ၃၀ နှစ်ဝန်းကျင် ဒုတပ်ကြပ် ကိုမင်းမင်းမြတ် ဆိုသူ ဆိုင်ကယ်စီးလာစဉ် အမှတ် ၁၉ စွန်းလွန်းရပ်ကွက် ရတနာမိုးစတိုးဆိုင်အနီးအရောက် သေနတ်သမားတစ်ဦးက ပစ်သတ်လိုက်ခြင်းဖြစ်ကြောင်း ဒေသခံတစ်ဦးက ပြောသည်။
မန္တလေးတိုင်း၊ မြင်းခြံမြို့ရှိ ယာဉ်ထိန်းရဲများသည် စစ်ကောင်စီတပ်ဖွဲ့ဝင်များနှင့် ပူးပေါင်း၍ ဆိုင်ကယ်စီးသူများကို ဖမ်းပြီး ဒဏ်ငွေ သိန်းချီ၍ ရိုက်သောကြောင့် ၎င်းယာဉ်ထိန်းရဲကို ပစ်သတ်ခဲ့ကြောင်း မြင်းခြံမြို့အခြေစိုက် စစ်ကောင်စီသတင်းပေး ဒလန်ရှင်းလင်းရေးအဖွဲ့ဟု ကြေညာထားသည့် ဇီးရိုးပြောက်ကျားတပ်ဖွဲ့မှ ယနေ့ သတင်း ထုတ်ပြန်ခဲ့ပြီး အဆိုပါ ဇီးရိုးပြောက်ကျားအဖွဲ့သို့ မြန်မာနောင်းမှ ဆက်သွယ်မေးမြန်းထားပါသည်။
[youtube https://youtu.be/IHpLTYodcpw]
