ရှမ်းပြည်နယ်မြောက်ပိုင်း ကျောက်မဲမြို့နယ်အတွင်း ရှမ်းပြည်ပြန်လည်ထူထောင်ရေးကောင်စီ၊ ရှမ်းပြည်တပ်မတော် RCSS/SSA နှင့် ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSA ၊ တအာင်းအမျိုးသားလွတ်မြောက်ရေးတပ် TNLA တို့ပါဝင်သည့် ပူးပေါင်းအဖွဲ့တို့ ၃ လကျော်ကြာဖြစ်ပွားနေသည့် တိုက်ပွဲများကြောင့် ကျောက်မဲမြို့နယ်အတွင်းတွင် စစ်ဘေးရှောင် ၃ ထောင်ခန့် ရှိလာခဲ့သည်။
ယခုနှစ် ဇွန်လ ၂ ရက်နေ့ကစတင်ခဲ့သည့် RCSS နဲ့ SSPP၊ TNLA ပူးပေါင်းအဖွဲ့များ၏ တိုက်ပွဲများသည် လက်ရှိအချိန်အထိ စစ်ရေးအခြေအနေတင်းမာနေဆဲဖြစ်ပြီး ကျောက်မဲမြို့နယ်အတွင်းရှိ ကျေးရွာပေါင်း ၂၂ ရွာက စစ်ဘေးရှောင်များသည် မိမိနေရပ်ကို မပြန်ရဲကြဘဲ ယာယီစစ်ဘေးရှောင်စခန်း ၁၁ ခုတွင် ခိုလှုံနေကြရသည်။
[youtube https://youtu.be/Lzc8hJEPjMc]
