နိုင်ငံတစ်ဝန်း ဆဲသံလွှမ်းတဲ့ အာဏာရှင်မွေးနေ့

အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်၏ မွေးနေ့ဖြစ်သည့် ယနေ့ ဇူလိုင်လ ၃ ရက်နေ့တွင် နိုင်ငံတစ်ဝန်းလုံးရှိ ပြည်သူများက ဆဲရေးတိုင်းထွာသည့် ကြွေးကြော်သံများဖြင့် ပုံစံမျိုးစုံဆန္ဒဖော်ထုတ်ခဲ့ကြပါသည်။

နိုင်ငံအနှံ့အပြားတွင် အာဏာသိမ်းစစ်ခေါင်းဆောင်၏ ဓာတ်ပုံများကို မီးရှို့ခြင်း၊ အသုဘချအခမ်းအနားပြုလုပ်ခြင်း၊ မြန်မြန်သေပါစေကြောင်း ဆုတောင်းခြင်းများအပါအဝင် မြို့ရွာအနှံ့ လှည့်လည်ပြီး နာမည်ကို ဆဲဆိုခြင်းများကို ပြည်သူများက ပြုလုပ်ခဲ့ကြသည်။