အိန္ဒိယကို သွားရောက်နေတဲ့ စစ်ခေါင်းဆောင် မင်းအောင်လှိုင်က ကုလားတန်မြစ်ကြောင်းစီမံကိန်းနဲ့ မြန်မာ-အိန္ဒိယ-ထိုင်း အဝေးပြေးလမ်းစီမံကိန်းတွေကို အပြီးသတ်အကောင်အထည်ဖော်ဖို့ ကြိုးပမ်းမယ်လို့ အိန္ဒိယဝန်ကြီးချုပ် မိုဒီနဲ့ တွေ့ဆုံချိန်မှာ ပြောဆိုခဲ့ပါတယ်။
ဒါပေမဲ့ ကုလားတန်စီမံကိန်း ဖြတ်သန်းရာ ဒေသအများစုဟာ လက်ရှိမှာ စစ်ကောင်စီ ထိန်းချုပ်ထားတဲ့ နယ်မြေတွေ မဟုတ်တော့ပါဘူး။ ရခိုင်ပြည်နယ်နဲ့ ချင်းပြည်နယ်က စီမံကိန်းလမ်းကြောင်းတစ်လျှောက် နေရာအများစုကို အာရက္ခတပ်တော် AA က ထိန်းချုပ်ထားတာကြောင့် ဒီစီမံကိန်းကို အထောင်အထည်ဖော်ရေးဟာ သက်ဆိုင်ရာ အင်အားစုတွေကြား ညှိနှိုင်းမှုတွေအပေါ် မူတည်နေတယ်လို့ လေ့လာသူတွေက သုံးသပ်ကြပါတယ်။
အိန္ဒိယအတွက် မဟာဗျူဟာအရ အရေးပါတဲ့ ဒီစီမံကိန်းကို ၂၀၂၇ ခုနှစ်မှာ အပြည့်အဝ လည်ပတ်နိုင်ဖို့ ရည်ရွယ်ထားပေမယ့် စီမံကိန်းဧရိယာအတွင်းက နယ်မြေထိန်းချုပ်မှု အပြောင်းအလဲတွေကတော့ စီမံကိန်းရဲ့ အနာဂတ်အပေါ် ကို သက်ရောက်မှု ရှိနေဦးမှာပါ။
မြတ်ကြီး/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
