ရခိုင်ပြည်နယ်တွင်း တိုက်ပွဲတွေကြောင့် နေရပ်ကိုစွန့်ခွာရသူတွေထဲမှာ အိမ်ထောင်ဦးစီး အမျိုးသမီးတွေရဲ့ ဘဝဟာ ပိုပြီး ခက်ခဲနေပါတယ်။ စစ်တွေမြို့နယ်က ဒေါ်စန္ဒာဝင်းဟာ တိုက်ပွဲကြောင့် မိသားစုနဲ့အတူ ပုဏ္ဏားကျွန်းမြို့နယ်ကို စစ်ဘေးရှောင်လာရပြီး၊ သားသမီးငါးယောက်အတွက် သူ့တစ်ယောက်ထဲ ရုန်းကန်နေရသူ ဖြစ်ပါတယ်။
လက်ရှိ သူနေတဲ့ စစ်ရှောင်စခန်းမှာ အကူအညီ၊ အထောက်အပံ့တွေ မရတော့တာကြောင့် တစ်ရက်ကို ငွေကျပ် ၁,၅၀၀၀ ဝန်းကျင်သာ ရရှိတဲ့ အုတ်ဖိုလုပ်ငန်းတစ်ခုမှာ မိသားစုစားဝတ်နေရေးအတွက် ဖြည့်ဆည်းနေရပါတယ်။ ကုန်ဈေးနှုန်းမြင့်တက်မှုကြောင့် အခြေခံစားသောက်ကုန်တွေကိုတောင် ပြည့်မီအောင် ဝယ်ယူဖို့ ခက်ခဲနေပြီး၊ ကလေးတွေရဲ့ ပညာရေးစရိတ်ကို မဖြည့်ဆည်းနိုင်သေးပါဘူး။
အလုပ်အကိုင်ရှားပါးမှုနဲ့ စီးပွားရေးအခက်အခဲတွေကြောင့် စစ်ရှောင်စခန်းတွေမှာ အိမ်ထောင်ဦးစီး အမျိုးသမီးတွေအတွက် ပိုမိုခက်ခဲလာနေပြီး၊ မိသားစုတွေရဲ့ အနာဂတ်အတွက် စိုးရိမ်မှုတွေ တိုးလာနေဆဲ ဖြစ်ပါတယ်။
ညီထွေး/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
