ဥရောပရဲ့ “နောက်ဆုံးအာဏာရှင်” လို့ တင်စားခေါ်ဝေါ်လို့ရတဲ့ ဘီလာရုစ်သမ္မတ အလက်ဇန္ဒား လူကာရှန်ကိုဟာ မြောက်ကိုရီးယားနိုင်ငံကို မတ်လ ၂၅ ရက်နေ့က တရားဝင်အလည်အပတ်ခရီး ရောက်ရှိခဲ့ပါတယ်။
အဲဒီနေ့ ညနေပိုင်းမှာတော့ ကမ္ဘာပေါ်မှာ အပြင်းထန်ဆုံးအာဏာရှင်စာရင်းထဲမှာပါတဲ့ မြောက်ကိုရီးယားခေါင်းဆောင် ကင်ဂျုံအန်းက အလက်ဇန္ဒား လူကာရှန်ကို ကို မြို့တော်ရဲ့ ကင်အီဆွန်း ရင်ပြင်မှာ ခမ်းခမ်းနားနား ဂုဏ်ပြုကြိုဆိုခဲ့ပါတယ်။
လူကာရှန်ကိုရဲ့ အခုခရီးစဉ်ဟာ “အနောက်အုပ်စုရဲ့ စည်းမျဉ်းတွေကို ဆန့်ကျင်တဲ့ နိုင်ငံတွေကြားမှာ ညီညွတ်မှုရှိတာကို ပြသတာပဲ” လို့ ကျွမ်းကျင်သူတွေက သုံးသပ်ထားကြောင်း The Guardian သတင်းမှာ ဖော်ပြထားပါတယ်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
