အမေရိကန်ရေတပ်ဟာ လွန်ခဲ့တဲ့ နှစ်ပေါင်း ၄၀ လောက်တုန်းကလည်း ဟော့မုဇ်ရေလက်ကြားမှာ အီရန်တော်လှန်ရေးအစောင့်တပ်ဖွဲ့ (IRGC) ရဲ့ ရေတပ်၊ ပင်လယ်ပြင်တိုက်ခိုက်ရေးတပ်တွေနဲ့ အပြန်အလှန် တိုက်ခိုက်မှုတွေ ဖြစ်ပွားခဲ့ဖူးပါတယ်။
၁၉၈၀ ခုနှစ် နှောင်းပိုင်းမှာ Tanker War လို့ခေါ်တဲ့ “သင်္ဘောဖျက်စစ်ပွဲ” ဖြစ်ပွားခဲ့ရာမှာ အီရန်ရဲ့ ရေမြှုပ်မိုင်းတွေက အမေရိကန် စစ်သင်္ဘောတွေကို ထိထိရောက်ရောက် အနှောက်အယှက်ပေး နိုင်ခဲ့ပါတယ်။
အခုအခါ သမ္မတ ဒေါ်နယ်ထရမ့်အနေနဲ့ ဟော့မုဇ်ရေလက်ကြားကို ဖြတ်သန်းမယ့် ရေနံတင်သင်္ဘောတွေကို အမေရိကန်ရေတပ်က လိုက်ပါစောင့်ရှောက်ပေးဖို့ စဉ်းစားနေတာနဲ့ ပတ်သက်လို့ ရေတပ်လေ့လာသူတွေနဲ့ သမိုင်းပညာရှင်တွေက အတိတ်က “သင်္ဘောဖျက်စစ်ပွဲ” စစ်ပွဲမှာ ကြုံတွေ့ခဲ့ရတဲ့ အမှားအယွင်းတွေကို သတိပေး ပြောဆိုလာပါတယ်။
အမေရိကန်ဟာ ဒုံးကျည်တွေနဲ့ ပစ်ခတ်တဲ့တိုက်ပွဲတွေမှာပဲ အောင်မြင်ခဲ့တာကြောင့် ပင်လယ်ပြင် မိုင်းရှင်းလင်းရေးပိုင်းကို အချိန်ယူပြီး လျစ်လျူရှုထားမိသလားလို့ ဝေဖန်သူတွေက မေးခွန်းထုတ်နေကြပါတယ်။
အမေရိကန် ရေတပ်ဗိုလ်မှူးဟောင်း Schuster ကတော့ “အမေရိကန်ရေတပ်မှာ မိုင်းရှင်းလင်းရေး စွမ်းရည်က အလွန်နည်းတယ်လို့ ဆိုပါတယ်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
