စနိုက်ပါရိုင်ဖယ်ကို ကိုင်ထားပြီး ရန်သူ့လှုပ်ရှားမှုတွေကို စောင့်ကြည့်နေတဲ့ ဒီအမျိုးသမီးက ရဲဘော် အန်နာပါ။ သူက နိုင်ငံအနှံ့က တက္ကသိုလ်နဲ့ အခြေခံပညာကျောင်းတွေက ကျောင်းသားလူငယ်တွေ စုဖွဲ့ထားတဲ့ ပြည်သူ့တော်လှန်ရေးတပ်ဦး PRF ရဲ့ တပ်ဖွဲ့ဝင်တစ်ယောက် ဖြစ်ပါတယ်။
တော်လှန်ရေးအစမှာကတည်းက တိုက်ခိုက်ရေးရဲဘော်အဖြစ်ပဲ ရွေးချယ်ပါဝင်ခဲ့သူပါ။ ၂၀၂၅ နှစ်လယ်ပိုင်းက ချင်းပြည်နယ်ထဲမှာ ၆လကြာ စနိုက်ပါသင်တန်းတက်ပြီး စနိုက်ပါရဲဘော်တစ်ယောက် ဖြစ်လာပါတယ်။
ခုဆိုရင် မကွေးတိုင်းထဲမှာ စစ်ရေးလှုပ်ရှားနေတဲ့ ရဲဘော်အန်နာရဲ့ လှုပ်ရှားမှုတွေကို စစ်တပ်ဘက်က သတိထားလာပြီး တချို့ အချိန်တွေမှာ ပျူရွာတွေထဲကနေ အသံချဲ့စက်နဲ့ ဆဲဆိုခြိမ်းခြောက်တာတွေပါ ရှိလာပါတယ်။
သူရဲ့ ဇာတိက စစ်ကိုင်းတိုင်း၊ တန့်ဆည်မြို့နယ်ပါ။ ငယ်စဉ်ကတည်းက ပန်းချီဆွဲတာကို ဝါသနာ ပါတာကြောင့် ပန်းချီဆရာတစ်ယောက်ဖြစ်ဖို့ ရည်မှန်းခဲ့ပါတယ်။
အိပ်မက်က ပန်းချီ… အခု စနိုက်ပါသမားဖြစ်နေတဲ့ ရဲဘော်အန်နာရဲ့အကြောင်းကို မတ်လ ၈ရက်နေ့မှာ ကျရောက်တဲ့ အပြည်ပြည်ဆိုင်ရာအမျိုးသမီးနေ့မှာ Myanmar Now က ဖော်ပြလိုက်ပါတယ်။
သတင်းနှင့်ရိုက်ကူး – မိုးဦး၊ တင်ဆက် – ဟန်လင်း
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
