စစ်ကိုင်းတိုင်း၊ ဒီပဲယင်းမြို့နယ်၊ မရကန်ကျေးရွာကို ဒီဇင်ဘာ ၅ရက်နေ့ည ၈နာရီလောက်မှာ စစ်တပ်က ဗုံးကြဲခဲ့တာကြောင့် အနည်းဆုံး လူအယောက် ၂၀ သေဆုံးပြီး၊ ဒဏ်ရာရသူလည်း အများအပြားရှိတယ်လို့ မြို့နယ်ပြည်သူ့ကာကွယ်ရေးအဖွဲ့(ပကဖ)ဆီကနေ သိရပါတယ်။
မရကန်ရွာရဲ့ မြောက်ပိုင်းမှာရှိတဲ့ လက်ဖက်ရည်ဆိုင်မှာ လူစည်ကားနေချိန် ဗုံးကြဲချတာကြောင့် သေဆုံးသူအရေအတွက်များပြားတာဖြစ်ပါတယ်။ ပေါက်ကွဲမှုပြင်းထန်တာကြောင့် သေဆုံးသူတွေထဲ ကျား၊ မ၊ အသက်အရွယ် တိတိပပ ခွဲခြားလို့မရသေးဘူးလို့ ဆိုပါတယ်။
အခင်းဖြစ်နေရာကိုရောက်ခဲ့တဲ့ ဒီပဲယင်းမြို့နယ်၊ ပြည်သူ့ကာကွယ်ရေးအဖွဲ့ တာဝန်ခံက မြေပြင်အခြေအနေကို ပြောပြထားပါတယ်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
