ကချင်လွတ်လပ်ရေးတပ်မတော် (KIA) ထိန်းချုပ်ထားသည့် ကချင်ပြည်နယ်အတွင်းရှိ တရုတ် – မြန်မာနှစ်နိုင်ငံကုန်သွယ်ရေးဂိတ်များအား ပြန်လည်ဖွင့်လှစ်ထားပြီဖြစ်သော်လည်း ကုန်ပစ္စည်းများကို တရုတ်အစိုးရဘက်က အကန့်အသတ်ဖြင့်သာ တင်သွင်းခွင့်ပြုသေးကြောင်း သိရသည်။
ယခုနှစ်ဆန်းပိုင်းမှစ၍ လိုင်ဇာ၊ မိုင်ဂျာယန်၊ ကံပိုင်တီ၊ လွယ်ဂျယ်၊ မံစီမြို့နယ် မန်ဝိန်းကြီး၊ ပန်ဝါ၊ ဖီမော်စသည့် နယ်စပ်ဂိတ်များကို တရုတ်အစိုးရဘက်က ပိတ်ထားခြင်းဖြစ်သည်။ တရုတ်အစိုးရနှင့် KIAအကြား ညှိနှိုင်း ဆွေးနွေးပြီးနောက် အောက်တိုဘာလ ၂၅ ရက်နေ့တွင် တရုတ်အစိုးရက နှစ်နိုင်ငံကုန်သွယ်ရေး
ထွက်ပေါက်များကို တရုတ်အစိုးရက ပြန်လည်ဖွင့်ပေးလိုက်ခြင်းဖြစ်သည်။
ပြည်တွင်းရှိ ပြည်သူများအတွက် အခြေခံစားသုံးကုန်၊ အိမ်ဆောက်ပစ္စည်းများကိုသာ တရုတ်နိုင်ငံကနေ တင်သွင်းနိုင်သေးသည်ဟု KIA ပြောရေးဆိုခွင့်ရှိသူ ဗိုလ်မှူးကြီးနော်ဘူက ဆိုသည်။
မောင်ရွှေဝါ၊ မြတ်ကြီး/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
