“မလိုအပ်တဲ့ရွေးကောက်ပွဲကို ရတဲ့နည်းနဲ့ ကျွန်တော်တို့ ဟန့်တားသွားမှာ”

အထူးတိုင်းစစ်ဌာန တစ်ခုကို တိုးချဲ့ဖွဲ့စည်းလိုက်တယ်လို့ စက်တင်ဘာလဆန်းပိုင်းမှာ အမျိုးသားညီညွတ်ရေးအစိုးရက ကြေညာခဲ့ပါတယ်။ အသစ်ဖွဲ့လိုက်တဲ့ အထူးတိုင်းစစ်ဌာနရဲ့ ကွပ်ကဲမှုအောက်မှာ တပ်ရင်းပေါင်း ၁၄ ခု နဲ့ ဒရုန်းတပ်ဖွဲ့ လေး ဖွဲ့ ပါဝင်တယ်လို့ သိရပါတယ်။ 

အထူးတိုင်းစစ်ဌာန စစ်ရေးလှုပ်ရှားမယ့် နယ်မြေတွေထဲမှာ ပဲခူးတိုင်းနဲ့ ရန်ကုန်တိုင်းထဲက ခရိုင် နှစ်ခုလည်း ပါဝင်ပါတယ်။ ပဲခူးတိုင်းနဲ့ ရန်ကုန်တိုင်းဟာ အခုနှစ်ကုန်ပိုင်းအတွင်း စစ်တပ်က ရွေးကောက်ပွဲကျင်းပမယ့် အဓိကဒေသတွေ ဖြစ်ပါတယ်။ 

သူတို့ရဲ့ စိုးမိုးနယ်မြေတွေသာမက၊ ထိန်းချုပ်နယ်မြေတွေနဲ့ ဆက်စပ်နေတဲ့ ဒေသတွေအထိ စစ်တပ်ရွေးကောက်ပွဲကို လုပ်ခွင့်မပေးဘဲ အပြည့်အဝ ဟန့်တားသွားမယ်လို့ အထူးတိုင်းစစ်ဌာနရဲ့ တာဝန်ရှိသူက ပြောပါတယ်။ ဒါ့အပြင် စစ်တပ်အပြည့်အဝ ထိန်းချုပ်ထားတဲ့ မြို့ပေါ်က ရွေးကောက်ပွဲတွေကိုလည်း ရတဲ့နည်းနဲ့ ဆန့်ကျင်သွားမယ်လို့ ဆိုပါတယ်။ 

ရန်ကုန်နဲ့ ပဲခူးတိုင်းထဲမှာလုပ်မယ့် စစ်တပ်ရဲ့ ရွေးကောက်ပွဲကို တော်လှန်ရေးတပ်တွေက ဘယ်လောက်ထိ ဆန့်ကျင် ဟန့်တားနိုင်မှာပါလဲ၊ ဒီဒေသတွေမှာ စစ်ရေးအရှိန်မြှင့်ဖို့ရော ရှိပါသလား၊ ဒီအကြောင်းအပါအဝင် လက်ရှိ စစ်ရေးအခြေအနေတွေနဲ့ ပတ်သက်ပြီး အထူးတိုင်းစစ်ဌာနရဲ့ တိုင်းကွပ်ကဲရေးမှူး အောင်စံရှား ကို Myanmar Now က ဆက်သွယ်မေးမြန်းထားပါတယ်။

မေးမြန်း၊ တင်ဆက် – မြတ်ကြီး/ Myanmar Now

Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။