ကရင်နီ(ကယား)ပြည်နယ်၊ ဒီးမော့ဆိုမြို့ပေါ် ရပ်ကွက်တွေကို သြဂုတ်လလယ်ပိုင်းမှာ ပြန်ထိန်းချုပ်နိုင်ခဲ့တဲ့ အာဏာသိမ်းစစ်တပ်ဟာ ဒီးမော့ဆိုမြို့နယ် အနောက်ဘက်ခြမ်းကို စစ်ကြောင်းထိုးလာတယ်လို့ ကရင်နီတော်လှန်ရေးတပ်တွေဆီကနေ သိရပါတယ်။
ဒီးမော့ဆိုမြို့နယ် အနောက်ဘက်ခြမ်းကို ဒီးမော့ဆို-တောင်ငူ ကားလမ်းအတိုင်း စစ်တပ်ဘက်က စစ်ကြောင်း ထိုးလာတဲ့အပြင် ဒီးမော့ဆိုမြို့တောင်ဘက် ဖရူဆိုမြို့ဘက်ကို ဦးတည် ပြီးတော့လည်း စစ်ကြောင်းထိုးနေတာကြောင့် အဲ့ဒီနေရာ နှစ်ခုလုံးမှာ တိုက်ပွဲတွေရှိနေတယ်လို့ ကရင်နီအမျိုးသားများကာကွယ်ရေးတပ်(KNDF) က ပြောပါတယ်။
စစ်တပ်ထိုးစစ်မှာ အင်အားထောင်ဂဏန်းပါပြီး သံချပ်ကာယာဉ်တွေပါ သုံးလာတယ်လို့ KNDF ဗဟိုပြန်ကြားရေးတာဝန်ခံ တာအယ်စိုးက ပြောပါတယ်။
စောရယ်၊ မြတ်ကြီး/ Myanmar Now
