မြန်မာပြည်လွတ်လပ်ရေး ရပြီးနောက် ပထမဆုံး အစိုးရဖြစ်လာသည့် ဖက်ဆစ်ဆန့်ကျင်ရေးနှင့် ပြည်သူ့လွတ်မြောက်ရေးအဖွဲ့ချုပ် (ဖဆပလ) အတွင်း နိုင်ငံရေး သဘောတရားကွဲပြားမှုများကြောင့် ၁၉၄၈ မတ်လတွင် လက်နက်ကိုင် လမ်းစဉ်ကို ရွေးချယ်ခဲ့သည်။
၁၉၈၉ တွင် ကိုးကန့်နှင့် ဝ တပ်ဖွဲ့များ ပုန်ကန်ခွဲထွက်ခဲ့ပြီးနောက် ဗ က ပ သည် လက်နက်ကိုင်တပ် နှင့် ထိန်းချုပ်နယ်မြေ မရှိတော့သည့်အတွက် ပါတီ ခေါင်းဆောင်များသည် တရုတ်နိုင်ငံတွင် သွားရောက် နေထိုင်ခဲ့ကြသည်။
ထို့နောက် ၂၀၂၁ ဖေဖော်ဝါရီတွင် စစ်တပ်အာဏာသိမ်းပြီးနောက် ဗကပ၏ လက်နက်ကိုင်တပ် ပြည်သူ့လွတ်မြောက်ရေးတပ်မတော် (PLA) ကို ပြန်လည်တည်ထောင်ခဲ့သည်။
ကချင်လွတ်လပ်ရေးတပ်မတော် (KIA) ထံတွင် မွမ်းမံစစ်သင်တန်းများ တက်ရောက်ပြီး မြန်မာအမျိုးသား ဒီမိုကရက်တစ် မဟာမိတ်တပ်မတော် (MNDAA) ၏ အကူအညီဖြင့် လက်နက်တပ်ဆင်ကာ စစ်ကောင်စီကို ပြန်လည် တိုက်ခိုက်နေသည်ဟု PLA ၏ အထွေထွေအတွင်းရေးမှူး ရဲဘော်နီနီကျော်က ပြောသည်။
၂၀၂၃ အောက်တိုဘာက ရှမ်းပြည်မြောက်ပိုင်းတွင် စတင်ခဲ့သည့် ၁၀၂၇ စစ်ဆင်ရေးတွင် PLA ပါဝင်ခဲ့ပြီး စစ်ကိုင်းတိုင်းကို အမှတ် ၁ စစ်ဒေသ၊ တနင်္သာရီတိုင်းကို အမှတ် ၈ စစ်ဒေသ၊ ကိုးကန့်တွင် အမှတ် ၉ စစ်ဒေသ၊ တအာင်းဒေသတွင် အမှတ်(၂) စစ်ဒေသဟူ၍ ဖွဲ့စည်းထားသည်ဟု ၎င်းက ပြောသည်။
စစ်ကိုင်းတိုင်း ပုလဲမြို့နယ်ရှိ ကန့်ဒေါင့်စခန်းသိမ်းတိုက်ပွဲ၊ PLA တပ်အတွင်းရှိ အမျိုးသမီး ရဲဘော်များ၏ အခန်းကဏ္ဍ နှင့် စစ်ကောင်စီတပ်၏ ငြိမ်းချမ်းရေး ဆွေးနွေးပွဲ အပေါ်သဘောထားများကို PLA အထွေထွေအတွင်းရေးမှူး ရဲဘော်နီနီကျော်က ဖြေကြားထားသည်။
